നോർത്തേൺ അയർലണ്ടിലെ Co Fermanagh-ലുള്ള ബംഗ്ലാവിൽ തീവെപ്പ് നടന്ന സംഭവത്തിൽ അന്വേഷണം ആരംഭിച്ച് പോലീസ്. സംഭവത്തിൽ ബംഗ്ലാവിന് ഗണ്യമായ നാശനഷ്ടമുണ്ടായതായി ഒരു അയൽക്കാരൻ പറഞ്ഞു.
വെള്ളിയാഴ്ച രാത്രി 11:10-ഓടെ Derrygonnelly പ്രദേശത്ത് തീപിടിത്തം ഉണ്ടായതായി അഗ്നിശമന സേനാംഗങ്ങൾ ആണ് പോലീസിനെ അറിയിച്ചത്. തീ കണ്ട ഒരു അയൽക്കാരൻ 999-ൽ വിവരമറിയിക്കുകയായിരുന്നു.
വീടിന് മനഃപൂർവ്വം തീയിട്ടതായാണ് കരുതുന്നതെന്നും, ഭാഗ്യവശാൽ സംഭവസമയം ആരും വീട്ടിലുണ്ടായിരുന്നില്ലെന്നും പോലീസ് പറഞ്ഞു. എന്നിരുന്നാലും, സമീപത്ത് പ്രായമായ ആളുകൾ താമസിക്കുന്നതിനാൽ, വിവരമറിയാൻ വൈകിയിരുന്നെങ്കിൽ കൂടുതൽ ഗുരുതരമായ പ്രത്യാഘാതങ്ങൾ ഉണ്ടാകുമായിരുന്നു.
സംഭവം നടക്കുന്ന സമയത്ത് പ്രദേശത്തുണ്ടായിരുന്നവരോ, അല്ലെങ്കിൽ അന്വേഷണത്തിന്
സഹായകമാകുന്ന തരത്തിൽ എന്തെങ്കിലും വീഡിയോ ദൃശ്യങ്ങൾ കൈവശമുള്ളവരോ ഉണ്ടെങ്കിൽ 1709 13/02/26 എന്ന റഫറൻസ് നമ്പർ പറഞ്ഞുകൊണ്ട് 101 എന്ന നമ്പറിൽ തങ്ങളെ ബന്ധപ്പെടണമെന്ന് നോർത്തേൺ അയർലണ്ട് പോലീസ് (PSNI) അഭ്യർത്ഥിച്ചു.
ആളുകൾക്ക് PSNI വെബ്സൈറ്റ് വഴിയോ, ക്രൈംസ്റ്റോപ്പേഴ്സ് നമ്പറായ 0800 555 111-ലോ രഹസ്യമായി വിളിച്ച് വിവരങ്ങൾ നൽകുകയും ചെയ്യാം.
