ഭൂതകാലം………………കവിത എഴുതിയത് ദയാനന്ദ് കെ വി (വാട്ടർഫോർഡ് )

ഭൂതകാലം……………………………………..

വർത്തമാനത്തിന്റെ വിരഹം

മറന്നിടും വേദനിപ്പിക്കുന്ന,

ചത്തിട്ടും , ചവച്ചുതുപ്പിയിട്ടും

കറവ വറ്റാതെ വേദന ചുരത്തും

എഴുത്തുകാരന്റെ തോൾസഞ്ചിയിലെന്ന പോലെ

കുറെ ഇനിയും ജനിക്കാത്ത

കവിതകളുടെ പേറ്റു വേദന ,

എന്തിനെന്നറിയാതെ

ചവറുകൂന.

ഭ്രഷ്ട് നടന്നിട്ടും

പോകുന്നതേ ഇല്ല

ഈ ഭൂതകാലം

ഭ്രാന്തുപോലെയാണോ

പുറകെ കാണും

ഇടയ്ക്ക് ബോധമണ്ഡലത്തിൽ

ഒരു ആളൽ ഉണ്ടാകും.

“ജീവിക്കുന്ന വർത്തമാനത്തെ

നിരന്തരം റേപ്പ് ചെയ്യുന്ന

അലസനായ

ഓർമ്മ കച്ചവടക്കാരൻ”