മാനസികാരോഗ്യ രംഗത്തെ മനുഷ്യാവകാശ ലംഘനങ്ങൾ: ഡബ്ലിനിൽ ജനകീയ ചർച്ച സംഘടിപ്പിക്കുന്നു

ഡബ്ലിൻ: മാനസികാരോഗ്യ മേഖലയിലെ ചൂഷണങ്ങളും മനുഷ്യാവകാശ ലംഘനങ്ങളും ചർച്ച ചെയ്യുന്നതിനായി ‘സിറ്റിസൺസ് കമ്മീഷൻ ഓൺ ഹ്യൂമൻ റൈറ്റ്‌സ്’ (CCHR) ഡബ്ലിനിൽ ജനകീയ സംവാദം സംഘടിപ്പിക്കുന്നു. “മാനസികാരോഗ്യ വ്യവസായം: സഹായമോ അതോ ചതിയോ?” (The Mental Health Industry: Help or Betrayal?) എന്ന പ്രമേയത്തിലാണ് പരിപാടി നടക്കുക.

മെയ് 17 ഞായറാഴ്ച ഉച്ചകഴിഞ്ഞ് 2:30-ന് ഡബ്ലിൻ 24-ലെ ഫർഹൗസ് റോഡിലുള്ള ‘ചർച്ച് ഓഫ് സയന്റോളജി ആൻഡ് കമ്മ്യൂണിറ്റി സെന്ററിൽ’ വെച്ചാണ് ഈ ഓപ്പൺ ഡേ നടക്കുന്നത്.

പ്രധാന ചർച്ചാ വിഷയങ്ങൾ:

മാനസികാരോഗ്യ ചികിത്സാ രംഗത്തെ രോഗികളുടെ അവകാശങ്ങൾ, ചികിത്സയ്ക്കായുള്ള മുൻകൂർ അനുമതി (Informed Consent), നിർബന്ധിതവും ദോഷകരവുമായ ചികിത്സാ രീതികൾ എന്നിവയെക്കുറിച്ചുള്ള ആശങ്കകൾ പരിപാടിയിൽ വിശദമായി ചർച്ച ചെയ്യും

കഴിഞ്ഞ ഫെബ്രുവരിയിൽ ഡബ്ലിനിലെ ഗ്രെഷാം ഹോട്ടലിൽ CCHR നടത്തിയ പ്രദർശനത്തിന്റെ തുടർച്ചയായാണ് ഈ സംവാദം സംഘടിപ്പിക്കുന്നത്. അന്ന് നടന്ന പ്രദർശനത്തിൽ നിരവധിപ്പേർ തങ്ങൾക്കുണ്ടായ ദുരനുഭവങ്ങൾ പങ്കുവെച്ചിരുന്നു. ഈ പശ്ചാത്തലത്തിൽ, മാനസികാരോഗ്യ മേഖലയിലെ അനഭിലഷണീയമായ പ്രവണതകൾ അവസാനിപ്പിക്കാനാവശ്യമായ നടപടികൾ സ്വീകരിക്കുകയാണ് പുതിയ പരിപാടിയുടെ ലക്ഷ്യം.

പരിപാടിയുടെ വിവരങ്ങൾ:

• തീയതി: മെയ് 17, ഞായറാഴ്ച
• സമയം: ഉച്ചകഴിഞ്ഞ് 2:30 മുതൽ 5:30 വരെ
• സ്ഥലം: ചർച്ച് ഓഫ് സയന്റോളജി ആൻഡ് കമ്മ്യൂണിറ്റി സെന്റർ, ഫർഹൗസ് റോഡ്, ഡബ്ലിൻ 24.

വിശിഷ്ട അതിഥികളുടെ പ്രഭാഷണങ്ങൾ, ചോദ്യോത്തര വേള എന്നിവ പരിപാടിയുടെ ഭാഗമായി ഉണ്ടായിരിക്കും.