വാട്ടർഫോർഡ്: കുട്ടികളുടെ സർഗ്ഗാത്മകതയും അറിവും വളർത്തുന്നതിനായി ‘എന്റെ മലയാളം ക്രിയേറ്റീവ് ഹബ്ബും’ വാട്ടർഫോർഡ് മലയാളി അസോസിയേഷനും സംയുക്തമായി ‘ബ്രെയിൻ ബ്ലിറ്റ്‌സ് ’26’ (Brain Blitz ’26) മെഗാ ക്വിസ് മത്സരം സംഘടിപ്പിക്കുന്നു.
വരുന്ന ശനിയാഴ്ച (നവംബർ 14) ഉച്ചകഴിഞ്ഞ് 1:30 മുതൽ വൈകുന്നേരം 5:00 വരെ വാട്ടർഫോർഡിലെ ഫാരൺഷോനീൻ യൂത്ത് സെന്ററിൽ (Farronshoneen Youth Center – X91 PY99) വെച്ചാണ് മത്സരം അരങ്ങേറുക.
കുട്ടികളിൽ ആത്മവിശ്വാസം വളർത്തുന്നതിനും അറിവിന്റെ പുതിയ ലോകം തുറന്നുനൽകുന്നതിനുമായി നടത്തുന്ന ഈ മത്സരത്തിലേക്ക് വാട്ടർഫോർഡിലും പരിസര പ്രദേശങ്ങളിലുമുള്ള എല്ലാ ഇന്ത്യൻ വിദ്യാർത്ഥികളെയും സ്വാഗതം ചെയ്യുന്നതായി സംഘാടകർ അറിയിച്ചു.
മൂന്ന് വ്യത്യസ്ത വിഭാഗങ്ങളിലായാണ് മത്സരങ്ങൾ നടക്കുന്നത്.ഒരേ പ്രായപരിധിയിൽപെട്ട രണ്ടുപേർ അടങ്ങുന്നതാണ് ഒരു ടീം. കേരളം,
അയർലൻഡ്,പൊതുവിജ്ഞാനം എന്നീ മൂന്ന് പ്രധാന മേഖലകളെ അടിസ്ഥാനമാക്കിയായിരിക്കും ചോദ്യങ്ങൾ.
വിജ്ഞാനവും വിനോദവും ഒരുപോലെ ഒത്തുചേരുന്ന ഈ വലിയ അവസരം പ്രയോജനപ്പെടുത്താൻ എല്ലാ കുട്ടികളെയും സ്വാഗതം ചെയ്യുന്നതായി ‘എന്റെ മലയാളം ക്രിയേറ്റീവ് ഹബ്ബ്’ ടീമിനുവേണ്ടി സംഘാടകർ അറിയിച്ചു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments