യൂറോപ്യൻ പൊളിറ്റിക്കൽ കമ്മ്യൂണിറ്റി (European Political Community) ഉച്ചകോടിയോടനുബന്ധിച്ച് ഡബ്ലിൻ നഗരത്തിൽ നാളെ (നവംബർ 10) മുതൽ നാല് ദിവസത്തേക്ക് വിപുലമായ ഗതാഗത നിയന്ത്രണങ്ങൾ ഏർപ്പെടുത്തുന്നു. നവംബർ 11, 12 തീയതികളിൽ യൂറോപ്പിലെ വിവിധ രാജ്യങ്ങളിലെ രാഷ്ട്രത്തലവന്മാരും സർക്കാർ മേധാവികളും പങ്കെടുക്കുന്ന ഉച്ചകോടിയുടെ ഭാഗമായി ഗാർഡയുടെ നേതൃത്വത്തിൽ ശക്തമായ സുരക്ഷാ ക്രമീകരണങ്ങളാണ് ഒരുക്കിയിരിക്കുന്നത്.നഗരമധ്യത്തിലെ നിരവധി പ്രധാന റോഡുകൾ അടച്ചിടുകയും ചിലയിടങ്ങളിൽ വാഹനഗതാഗതം വഴിതിരിച്ചുവിടുകയും ചെയ്യും. ഇതോടെ ഡബ്ലിൻ നഗരത്തിലെ ബസ്, LUAS സർവീസുകളെയും ഗതാഗത നിയന്ത്രണങ്ങൾ ബാധിക്കും. നവംബർ 10 മുതൽ 13 വരെ നഗരമധ്യത്തിലേക്ക് യാത്ര ചെയ്യുന്നവർ യാത്രകൾ മുൻകൂട്ടി ആസൂത്രണം ചെയ്യണമെന്ന് അധികൃതർ നിർദേശിച്ചു.
ബസ് സർവീസുകളിൽ മാറ്റം
Dublin Bus, Go-Ahead Ireland, Bus Éireann തുടങ്ങിയ സർവീസുകൾക്ക് നിയന്ത്രണങ്ങൾ ബാധകമാകും. ചില ബസ് റൂട്ടുകൾ വഴിതിരിച്ചുവിടുകയും ചില സ്റ്റോപ്പുകൾ താൽക്കാലികമായി ഒഴിവാക്കുകയും ചെയ്യും. സിറ്റി സെന്ററിലെ റോഡ് അടച്ചിടലുകൾക്കനുസരിച്ച് സർവീസുകളുടെ യാത്രാമാർഗങ്ങളിലും സമയക്രമങ്ങളിലും മാറ്റമുണ്ടാകും.പ്രത്യേകിച്ച് Busáras, Connolly Station, North Wall, Convention Centre പരിസരങ്ങളിലേക്ക് പോകുന്ന യാത്രക്കാർ യാത്രയ്ക്ക് മുമ്പ് ബസ് സർവീസ് വിവരങ്ങൾ പരിശോധിക്കണം.
LUAS സർവീസുകളിലും നിയന്ത്രണം
LUAS Red Line സർവീസുകളെയും സുരക്ഷാ ക്രമീകരണങ്ങൾ ബാധിക്കും. നവംബർ 11 മുതൽ The Point, Spencer Dock, Mayor Square തുടങ്ങിയ സ്റ്റോപ്പുകളുമായി ബന്ധപ്പെട്ട് നിയന്ത്രണങ്ങൾ ഉണ്ടാകും. നവംബർ 12, 13 തീയതികളിൽ Red Line സർവീസ് Connolly സ്റ്റേഷൻ വരെ മാത്രമായി പരിമിതപ്പെടും. ഇതോടെ Connolly-ക്കും The Point-നും ഇടയിലുള്ള സർവീസ് തടസ്സപ്പെടും. Green Line സർവീസ് സാധാരണ നിലയിൽ തുടരുമെന്നാണ് അറിയിപ്പ്.
സിറ്റി സെന്ററിലെ പ്രധാന റോഡുകൾ അടയ്ക്കും
Convention Centre Dublin, North Wall, Docklands, National Gallery, Merrion Square എന്നിവിടങ്ങളിലാണ് പ്രധാനമായും സുരക്ഷാ മേഖലകൾ ഒരുക്കുന്നത്. ഈ പ്രദേശങ്ങളിലെ ചില റോഡുകളിൽ പൊതുഗതാഗതത്തിനും സ്വകാര്യ വാഹനങ്ങൾക്കും പ്രവേശന നിയന്ത്രണം ഏർപ്പെടുത്തും. ചില മേഖലകളിൽ താമസക്കാർക്കും വ്യാപാര സ്ഥാപനങ്ങൾക്കും മാത്രമായിരിക്കും നിയന്ത്രിത പ്രവേശനം അനുവദിക്കുക.
എയർപോർട്ട് യാത്രക്കാരും ശ്രദ്ധിക്കണം
Dublin Airport പ്രവർത്തനം സാധാരണ നിലയിൽ തുടരുമെങ്കിലും സുരക്ഷാ വാഹനവ്യൂഹങ്ങളും നഗരത്തിലെ ഗതാഗതക്കുരുക്കും എയർപോർട്ടിലേക്കുള്ള യാത്രയെ ബാധിക്കാൻ സാധ്യതയുണ്ട്. വിമാനയാത്രക്കാർ പതിവിലും നേരത്തെ യാത്ര ആരംഭിക്കുകയും യാത്രയ്ക്ക് മുമ്പ് ഗതാഗത വിവരങ്ങൾ പരിശോധിക്കുകയും വേണം.
Dublin Port Tunnel, M50 എന്നിവ അടച്ചിടുന്നതായി നിലവിൽ അറിയിപ്പില്ല. എന്നാൽ നഗരത്തിലെ റോഡ് നിയന്ത്രണങ്ങൾ മൂലം പ്രധാന യാത്രാമാർഗങ്ങളിൽ തിരക്ക് വർധിക്കാൻ സാധ്യതയുണ്ട്.നവംബർ 10 മുതൽ 13 വരെ ഡബ്ലിൻ നഗരമധ്യത്തിലേക്കുള്ള അനാവശ്യ യാത്രകൾ ഒഴിവാക്കുന്നതും പൊതുഗതാഗത സർവീസുകളുടെ പുതുക്കിയ വിവരങ്ങൾ പരിശോധിച്ച് യാത്ര ക്രമീകരിക്കുന്നതും ഉചിതമായിരിക്കും.
For more news please join our whatsapp group
https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments