വാട്ടർഫോർഡിലെ തീകൊളുത്തി കൊന്ന കേസ്; ചികിത്സയിലിരുന്ന ആറുവയസ്സുകാരനും മരിച്ചു

അയർലൻഡിലെ വാട്ടർഫോർഡ് നഗരത്തെ നടുക്കിയ ബിർച്ച്വുഡ് അഗ്നിക്കൊലപാതകത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ആറുവയസ്സുകാരനും മരിച്ചു. ഒക്ടോബർ 13-ന് കുടുംബവീടിന് നേരെയുണ്ടായ ആസൂത്രിത തീപിടിത്തത്തിൽ ഗുരുതരമായി പരിക്കേറ്റ എലിയറ്റ് ഇംഗ്ലീഷ് ആണ് മരണത്തിന് കീഴടങ്ങിയത്. ഡബ്ലിനിലെ ചിൽഡ്രൻസ് ഹെൽത്ത് അയർലൻഡ് (CHI) ക്രംലിനിൽ ചികിത്സയിലിരിക്കെയാണ് അന്ത്യം.

ഇതോടെ ഒരേ കുടുംബത്തിലെ അഞ്ച് പേരാണ് ദാരുണമായ സംഭവത്തിൽ കൊല്ലപ്പെട്ടത്. എലിയറ്റിന്റെ മാതാപിതാക്കളായ കിം ഇംഗ്ലീഷ്, ഫിലിപ്പ് ഇംഗ്ലീഷ് എന്നിവരും സഹോദരങ്ങളായ 12 വയസ്സുകാരൻ കാലം, ഒമ്പതുവയസ്സുകാരൻ ജെയ്ഡൻ എന്നിവരും നേരത്തെ മരിച്ചിരുന്നു.ഒക്ടോബർ 13-ന് പുലർച്ചെ അഞ്ചുമണിയോടെയാണ് വാട്ടർഫോർഡ് നഗരത്തിലെ ബിർച്ച്വുഡ് എസ്റ്റേറ്റിലുള്ള കുടുംബവീടിന് നേരെ ആക്രമണമുണ്ടായത്.

വീടിന് നേരെയുണ്ടായ തീകൊളുത്തിയുള്ള ആക്രമണത്തെത്തുടർന്ന് തീപിടിത്തമുണ്ടാകുകയായിരുന്നു. സംഭവത്തിൽ രണ്ട് കുട്ടികൾക്ക് ഗുരുതരമായി പരിക്കേറ്റിരുന്നു. ഇതിൽ ആറുവയസ്സുകാരനായ എലിയറ്റാണ് ഇപ്പോൾ മരിച്ചത്. മറ്റൊരു കുട്ടി ഇപ്പോഴും ആശുപത്രിയിൽ ചികിത്സയിൽ തുടരുകയാണ്.

സംഭവത്തിൽ ഗാർഡയുടെ കൊലപാതക അന്വേഷണവും തുടരുകയാണ്. ഇതുവരെ ആറുപേരെ അന്വേഷണത്തിന്റെ ഭാഗമായി അറസ്റ്റ് ചെയ്തിട്ടുണ്ട്. ഇവരിൽ നാല് പേരെ ചോദ്യം ചെയ്തശേഷം കുറ്റം ചുമത്താതെ വിട്ടയച്ചു. മറ്റ് രണ്ടുപേർ കോടതിയിൽ ഹാജരായിട്ടുണ്ട്. ഇവരുടെ കേസ് നവംബർ 17-ന് വീണ്ടും പരിഗണിക്കും.

കുടുംബത്തിലെ കൂടുതൽ പേരെ നഷ്ടമായതോടെ വാട്ടർഫോർഡ് സമൂഹം വീണ്ടും ദുഃഖത്തിലായിരിക്കുകയാണ്. സംഭവത്തിൽ ഗാർഡ അന്വേഷണം തുടരുകയാണ്.

For more news please join our whatsapp group

https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4

Instagram page link

https://www.instagram.com/rosemalayalamnews?psln=c3UzaW5nOGh2bg==

Facebook page link

https://www.facebook.com/share/1Dm71oRfN8/