ഡബ്ലിനിൽ നിന്ന് പുറപ്പെട്ട വിമാനത്തിന് ബോംബ് ഭീഷണി; യുദ്ധവിമാനങ്ങളുടെ അകമ്പടിയോടെ സൈനിക താവളത്തിൽ ഇറക്കി

ഡബ്ലിനിൽ നിന്ന് റോമിലേക്ക് പുറപ്പെട്ട എയർ ലിംഗസ് വിമാനത്തിന് ലഭിച്ച ബോംബ് ഭീഷണിയെ തുടർന്ന് ഫ്രാൻസിൽ അടിയന്തരമായി വഴി തിരിച്ചുവിട്ടു. ഫ്രഞ്ച് യുദ്ധവിമാനങ്ങളുടെ അകമ്പടിയോടെ നോർമണ്ടിയിലെ സൈനിക വ്യോമതാവളത്തിൽ വിമാനം സുരക്ഷിതമായി ഇറക്കി.

അയർലൻഡിൽ നിന്ന് ഇറ്റലിയിലേക്ക് പുറപ്പെട്ട എയർ ലിംഗസ് വിമാനത്തിനുനേരെയുണ്ടായ ബോംബ് ഭീഷണി യൂറോപ്യൻ വ്യോമഗതാഗത മേഖലയിൽ ആശങ്ക സൃഷ്ടിച്ചു. ഡബ്ലിനിൽ നിന്ന് റോമിലേക്ക് സർവീസ് നടത്തിയിരുന്ന Airbus A320 വിമാനത്തിനാണ് ഭീഷണി ലഭിച്ചത്.ഭീഷണിയെക്കുറിച്ചുള്ള വിവരം ലഭിച്ചതിനെ തുടർന്ന് വിമാനം നിശ്ചയിച്ച യാത്രാമാർഗത്തിൽ നിന്ന് തിരിച്ചുവിടുകയായിരുന്നു.

ഫ്രാൻസിന്റെ വ്യോമാതിർത്തിയിൽ പ്രവേശിച്ച ശേഷമാണ് സുരക്ഷാ നടപടികൾ ശക്തമാക്കിയത്. തുടർന്ന് ഫ്രഞ്ച് വ്യോമസേനയുടെ യുദ്ധവിമാനങ്ങൾ വിമാനത്തിന് അകമ്പടി നൽകുകയും നോർമണ്ടിയിലെ Évreux സൈനിക വ്യോമതാവളത്തിൽ അടിയന്തരമായി ഇറക്കുകയും ചെയ്തു.വിമാനത്തിൽ 151 യാത്രക്കാരും ആറ് ജീവനക്കാരുമുണ്ടായിരുന്നുവെന്നാണ് റിപ്പോർട്ട്. വിമാനം സുരക്ഷിതമായി നിലത്തിറക്കിയതിനെ തുടർന്ന് യാത്രക്കാരെയും ജീവനക്കാരെയും സുരക്ഷിത സ്ഥാനത്തേക്ക് മാറ്റി.

തുടർന്ന് ബോംബ് നിർവീര്യമാക്കൽ വിദഗ്ധർ വിമാനത്തിൽ വിശദമായ പരിശോധന നടത്തി.സംഭവത്തിൽ ആർക്കും പരിക്കേറ്റതായി റിപ്പോർട്ടില്ല. ബോംബ് ഭീഷണിയുടെ ഉറവിടം, അതിന്റെ വിശ്വാസ്യത, സംഭവത്തിന് പിന്നിലെ സാഹചര്യങ്ങൾ എന്നിവ സംബന്ധിച്ച് അന്വേഷണം തുടരുകയാണ്.യൂറോപ്പിലെ വിമാനങ്ങൾക്ക് നേരെ അടുത്തകാലത്തായി തുടർച്ചയായി ഉയരുന്ന സുരക്ഷാ ഭീഷണികളുടെ പശ്ചാത്തലത്തിൽ എയർ ലിംഗസ് വിമാനത്തിലുണ്ടായ സംഭവം കൂടുതൽ ഗൗരവത്തോടെയാണ് അധികൃതർ കാണുന്നത്.

ഇന്നലെയും ഡബ്ലിനിൽ നിന്ന് പുറപ്പെട്ട വിമാനങ്ങൾ ഉൾപ്പെടെ നിരവധി വിമാനങ്ങൾക്ക് നേരെ സമാന രീതിയിൽ യൂറോപ്പിൽ എമ്പാടും ബോംബ് ഫീൽഡിംഗ് ഉണ്ടായിരുന്നു.വ്യോമഗതാഗത സുരക്ഷ ഉറപ്പാക്കുന്നതിനായി അടിയന്തര നടപടികൾ സ്വീകരിക്കുമെന്ന് അധികൃതർ അറിയിച്ചു

For more news please join our whatsapp group

https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4

Instagram page link

https://www.instagram.com/rosemalayalamnews?psln=c3UzaW5nOGh2bg==