കേരളത്തിന് പുറമെ തമിഴ്‌നാട്ടിലും, വിദേശരാജ്യങ്ങളിലും തരംഗമായ ‘മഞ്ഞുമ്മല്‍ ബോയ്‌സി’ന്റെ ഒടിടി റിലീസ് പ്രഖ്യാപിച്ചു. ഏപ്രില്‍ 5 മുതല്‍ ഡിസ്‌നി പ്ലസ് ഹോട്ട്‌സ്റ്റാറിലാണ് ചിത്രം സ്ട്രീമിങ് ആരംഭിക്കുക.
20 കോടി ബജറ്റില്‍ നിര്‍മ്മിച്ച്, ചിദംബരം സംവിധാനം ചെയ്ത ചിത്രം, ആഗോളമായി 200 കോടിയിലിധികം കളക്ഷന്‍ നേടിയിരുന്നു. ഇപ്പോഴും തിയറ്ററുകളില്‍ ആളെ നിറയ്ക്കുകയാണ് സൗബിന്‍ ഷാഹിര്‍, പിതാവ് ബാബു ഷാഹിര്‍ എന്നിവര്‍ ചേര്‍ന്ന് നിര്‍മ്മിച്ച ചിത്രം. സൗബിന്‍, ശ്രീനാഥ് ഭാസി, ലാല്‍ ജൂനിയര്‍, ബാലു വര്‍ഗീസ്, ഗണപതി, ഖാലിദ് റഹ്മാന്‍, അഭിറാം, ദീപക് പറമ്പോല്‍, അരുണ്‍ കുര്യന്‍, വിഷ്ണു രഘു, ചന്തു മുതലായവരാണ് അഭിനയിച്ചിരിക്കുന്നത്.
യഥാര്‍ത്ഥ സംഭവത്തെ ആസ്പദമാക്കി നിര്‍മ്മിച്ച സിനിമ, മലയാളത്തിലെ എക്കാലത്തെയു കൂടുതല്‍ കലക്ഷന്‍ നേടിയ ചിത്രവുമാണ്.
