കോര്‍ക്കിലെ ഫാര്‍മസ്യൂട്ടിക്കല്‍ കമ്പനിയായ Viatris അടച്ചുപൂട്ടല്‍ പ്രഖ്യാപിച്ചു. 2028-ഓടെ പ്രര്‍ത്തനം അവസാനിപ്പിക്കുമെന്നാണ് കമ്പനി അറിയിച്ചിരിക്കുന്നത്. ഇതോടെ 200-ഓളം പേര്‍ക്ക് ജോലി നഷ്ടമാകും. അതേസമയം ജോലിക്കാരെ ഉടനെ പിരിച്ചുവിടില്ലെന്ന് കമ്പനി വ്യക്തമാക്കിയിട്ടുണ്ട്. 2028 ജൂണ്‍ വരെ റിഡന്‍ഡന്‍സിയും ഉണ്ടാകില്ല. കഴിഞ്ഞ 40 വര്‍ഷമായി കോര്‍ക്കിലെ Leeside-ല്‍ പ്രവര്‍ത്തിക്കുന്ന കമ്പനിയാണ് Viatris.
ജെനറിക് ഫാര്‍മസ്യൂട്ടിക്കല്‍ കമ്പനിയായ Mylan-മായി മുമ്പ് Pfizer-മായി ചേര്‍ന്ന് പ്രവര്‍ത്തിച്ചിരുന്ന Upjohn എന്ന കമ്പനി ലയിപ്പിച്ചാണ് ഈയിടെ Viatris രൂപംകൊണ്ടത്. വിപണിയിലെ വെല്ലുവിളികളും, Leeside പ്രദേശത്തെ പ്രവര്‍ത്തനവുമായി ബന്ധപ്പെട്ട സാങ്കേതികപ്രശ്‌നങ്ങളുമാണ് അടച്ചുപൂട്ടലിന് കാരണമായി പറയുന്നത്. അതേസമയം ഗോള്‍വേ, ഡബ്ലിന്‍ എന്നിവിടങ്ങളിലെ തങ്ങളുടെ പ്ലാന്റുകള്‍ തുടര്‍ന്നും പ്രവര്‍ത്തിക്കുമെന്നും Viatris വ്യക്തമാക്കി.
