ഡബ്ലിന്‍ സിറ്റിയില്‍ ഒളിംപിക്‌സ് താരങ്ങളെ സ്വീകരിക്കാനൊരുക്കിയ പരിപാടിക്കിടെ കത്തിക്കുത്ത്. തിങ്കളാഴ്ച ഉച്ചയ്ക്ക് 1.10-ഓടെ Marlborough Street- Cathedral Street ജങ്ഷനിലാണ് സംഭവം. കുത്തേറ്റ് പരിക്ക് പറ്റിയ മദ്ധ്യവയസ്‌കനെ Mater Hospital-ല്‍ പ്രവേശിപ്പിച്ചിരിക്കുകയാണ്.
സംഭവത്തില്‍ 40-ലേറെ പ്രായമുള്ള ഒരു പുരുഷന്‍ അറസ്റ്റിലായിട്ടുണ്ട്. ഇരയായ ആളും, ഇയാളും തമ്മില്‍ പരിചയമുണ്ടെന്നാണ് നിഗമനം.
സംഭവസമയം ഇതിന് തൊട്ടടുത്ത സ്ട്രീറ്റില്‍ 20,000 പേര്‍ ഒത്തുകൂടി രാജ്യത്തിന് അഭിമാനമായ ഒളിംപിക് താരങ്ങള്‍ക്ക് സ്വീകരണം നല്‍കുന്നുണ്ടായിരുന്നു.
