ഹെല്‍ത്ത് ഇന്‍ഷുറന്‍സ് പ്രീമിയം തുക വര്‍ദ്ധിപ്പാക്കിനൊരുങ്ങി രാജ്യത്തെ ഏറ്റവും വലിയ ഇന്‍ഷുറന്‍സ് കമ്പനിയായ VHI. ഒക്ടോബര്‍ 1 മുതല്‍ പ്രീമിയത്തില്‍ 3.5% വര്‍ദ്ധനയുണ്ടാകുമെന്നാണ് കമ്പനി അറിയിച്ചിരിക്കുന്നത്. ഹെല്‍ത്ത് കെയര്‍ ക്ലെയിമുകളിലെ വര്‍ദ്ധനയാണ് പ്രീമിയം വര്‍ദ്ധിപ്പിക്കുന്നതിലേയ്ക്ക് നയിച്ചതെന്ന് VHI പറയുന്നു.
അതേസമയം കഴിഞ്ഞ ജനുവരിയില്‍ പ്രീമിയം തുക 7% വര്‍ദ്ധിപ്പിക്കുന്നതായി VHI പ്രഖ്യാപിച്ചിരുന്നു. മാസങ്ങള്‍ക്ക് ശേഷമാണ് വീണ്ടും തുക വര്‍ദ്ധിപ്പിക്കുന്നത്. 2023-നെ അപേക്ഷിച്ച് ഈ വര്‍ഷത്തെ ആദ്യ ആറ് മാസങ്ങളില്‍ സ്വകാര്യ ആശുപത്രികളിലെ ക്ലെയിം 14% വര്‍ദ്ധിചച്ചതായി VHI പറയുന്നു.
അതേസമയം കുട്ടികളുടെ ആരോഗ്യ ഇന്‍ഷുറന്‍സുമായി ബന്ധപ്പെട്ട ഏതാനും പ്ലാനുകളുടെ തുകയില്‍ ഒക്ടോബര്‍ 25 മുതല്‍ കുറവ് വരുത്തുമെന്നും കമ്പനി പ്രഖ്യാപിച്ചിട്ടുണ്ട്. ചില പ്ലാനുകളില്‍ നേരത്തെ ഇല്ലാതിരുന്ന ഡേ ടു ഡേ ബെനഫിറ്റുകള്‍ കൂട്ടിച്ചേര്‍ക്കുകയും ചെയ്തിട്ടുണ്ട്.
