അതിശക്തമായ മഴയെത്തുടര്‍ന്ന് കൗണ്ടി വിക്ക്‌ലോയില്‍ യെല്ലോ വാണിങ് നല്‍കി കാലാവസ്ഥാ വകുപ്പ്. ഇന്നലെ ആരംഭിച്ച മുന്നറിയിപ്പ് ഇന്ന് (ശനി) രാവിലെ 11 മണി വരെ തുടരും. ശക്തമായ മഴ പ്രാദേശികമായ വെള്ളപ്പൊക്കത്തിന് കാരണമാകുമെന്നും അധികൃതര്‍ അറിയിച്ചു.
വടക്കന്‍ അയര്‍ലണ്ടിലെ Antrim, Down കൗണ്ടികളിലും മഴയെത്തുടര്‍ന്ന് യെല്ലോ വാണിങ് നല്‍കിയിട്ടുണ്ട്. വെള്ളിയാഴ്ച ഉച്ചയ്ക്ക് 2 മണിക്ക് നിലവില്‍ വന്ന മുന്നറിയിപ്പ് ഇന്ന് ഉച്ചയ്ക്ക് ശേഷം 3 മണി വരെ തുടരുമെന്ന് യു.കെ അധികൃതര്‍ അറിയിച്ചു. നീണ്ടുനില്‍ക്കുന്ന മഴ ശക്തി പ്രാപിക്കുകയും, യാത്ര തടസ്സപ്പെടുകയും ചെയ്യുമെന്നും, ആളുകള്‍ ജാഗ്രത പാലിക്കണമെന്നും അധികൃതര്‍ വ്യക്തമാക്കി.
