ഡബ്ലിനില്‍ വമ്പന്‍ മയക്കുമരുന്ന് വേട്ട. 21 കിലോഗ്രാം വരുന്ന ഹെറോയിനാണ് ഡബ്ലിനില്‍ നടത്തിയ ഓപ്പറേഷനിലൂടെ പിടിച്ചെടുത്തതെന്ന് ഗാര്‍ഡ വ്യക്തമാക്കി. ഇതിന് ഏകദേശം 3 മില്യണ്‍ യൂറോ വിപണി വില വരും.
Coolock പ്രദേശത്ത് ഒരു വാഹനം പരിശോധിച്ചതില്‍ നിന്നുമാണ് Garda National Drugs and Organised Crime Bureau വന്‍ അളവിലുള്ള മയക്കുമരുന്ന് പിടികൂടിയത്. സംഭവസ്ഥലത്ത് നിന്നും 30-ലേറെ പ്രായമുള്ള ഒരു പുരുഷനെയും, തുടരന്വേഷണത്തില്‍ 40-ലേറെ പ്രായമുള്ള മറ്റൊരു പുരുഷനെയും അറസ്റ്റ് ചെയ്തിട്ടുമുണ്ട്.
വളരെ മാരകമായ മയക്കുമരുന്നാണ് ഹെറോയിനെന്നും, നിരവധിപേരുടെ മരണത്തിനും, നാശത്തിനും കാരണമാകുന്ന ഹെറോയിന്‍ വിതരണവും വില്‍പ്പനയും നടത്തുന്ന കുറ്റവാളികളെ തടയാന്‍ ശ്രമം തുടരുമെന്നും Assistant Commissioner for Organised and Serious Crime വ്യക്തമാക്കി.
