അയര്‍ലണ്ടില്‍ ആത്മഹത്യയ്‌ക്കെതിരായി പ്രവര്‍ത്തിക്കുന്ന സംഘടനയായ Pieta House-ന്റെ നേതൃത്വത്തില്‍ Darkness Into Light ധനസമാഹരണ പരിപാടിയില്‍ ആയിരങ്ങള്‍ പങ്കെടുത്തു. രാജ്യത്തെ 197 പ്രദേശങ്ങളില്‍ സൂര്യോദയത്തിന് മുമ്പായി 4.15-ഓടെയാണ് അഞ്ച് കിലോമീറ്റര്‍ നടത്തം ആരംഭിച്ചത്. നടത്തത്തിന് പുറമെ ഓടിയും, വീല്‍ ചെയറിലും, സൈക്കിളുകളിലും, നീന്തലിലുമായി ആളുകള്‍ ധനസമാഹരണയജ്ഞത്തില്‍ പങ്കാളികളായി. ഇത് 16-ആം വര്‍ഷമാണ് പരിപാടി നടക്കുന്നത്.
ആത്മഹത്യ, സ്വയം വേദനിപ്പിക്കല്‍ എന്നിവ തടയുക ലക്ഷ്യമിട്ടാണ് Pieta House പ്രവര്‍ത്തിക്കുന്നത്. സൗജന്യമായി ഓണ്‍ലൈന്‍ വഴിയോ, ഫോണ്‍ വഴിയോ, നേരിട്ടോ Pieta-യില്‍ നിന്നും സഹായം ലഭിക്കും. എല്ലാ പ്രായക്കാര്‍ക്കും, എല്ലാ വിഭാഗക്കാര്‍ക്കും സഹായം ലഭിക്കുന്നതാണ്.
അയര്‍ലണ്ടില്‍ ഓരോ വര്‍ഷവും 500-ഓളം പേര്‍ ആത്മഹത്യ ചെയ്യുന്നുണ്ടെന്നാണ് കണക്ക്. മാത്രമല്ല സമൂഹത്തില്‍ അഞ്ചില്‍ ഒന്ന് പേരും ജീവിതത്തില്‍ എപ്പോഴെങ്കിലും ആത്മഹത്യയെ പറ്റി ചിന്തിക്കുന്നവരുമാണ്.
Pieta-യുടെ സഹായത്തിനായി:
- Samaritans 116 123 or email jo@samaritans.org
- Text About It – text HELLO to 50808 (mental health issues)
- Aware 1800 80 48 48 (depression, anxiety)
- Pieta House 1800 247 247 or text HELP to 51444 – (suicide, self-harm)
- Teen-Line Ireland 1800 833 634 (for ages 13 to 19)
- Childline 1800 66 66 66 (for under 18s)
