Malayalee Indians Ireland (MIND) സംഘടിപ്പിക്കുന്ന മെഗാ മേളയുടെ ഒരുക്കങ്ങൾ പൂർത്തിയായി. കൗണ്ടി ഡബ്ലിനിലെ Alsaa Sports Centre- ൽ വച്ച് നാളെ (മെയ്‌ 31) ആണ് മേള അരങ്ങേറുക. മേളയിലെ മുഖ്യാഥിതി ആയ സിനിമാ താരം കുഞ്ചാക്കോ ബോബൻ കഴിഞ്ഞ ദിവസം അയർലണ്ടിൽ എത്തിയിരുന്നു. അദ്ദേഹത്തിന് പുറമെ സ്റ്റാർ പെർഫോമർ ആയി ലക്ഷ്മി ജയനും മേളയിൽ എത്തും.
രാവിലെ 9 മണി മുതൽ ആരംഭിക്കുന്ന മെഗാ മേള രാത്രി 10-നാണ് അവസാനിക്കുക. ഡാൻസ്, ഡിജെ, ഇൻഡോർ മത്സരങ്ങൾ, വടംവലി എന്നിങ്ങനെ വിവിധ പരിപാടികൾ മേളയ്ക്ക് കൊഴുപ്പേകും.
പങ്കെടുക്കാൻ എത്തുന്നവർ കാർ പാർക്കിംഗ് നേരത്തെ ബുക്ക് ചെയ്താൽ സൗകര്യം ചെയ്തു നൽകുന്നതാണ്.
