കൗണ്ടി വെക്‌സ്‌ഫോര്‍ഡിലെ Rosslare Europort വഴി ലോറിക്കുള്ളില്‍ ഒളിച്ചിരുന്ന് അയര്‍ലണ്ടിലേയ്ക്ക് കടക്കാന്‍ ശ്രമിച്ച രണ്ട് പേര്‍ പിടിയില്‍. വെള്ളിയാഴ്ച രാവിലെ 8 മണിയോടെയാണ് പോര്‍ട്ടിലെത്തിയ ഒരു ലോറിക്കുള്ളില്‍ രണ്ട് പുരുഷന്മാരെ ഒളിച്ചിരിക്കുന്നതായി കണ്ടെത്തിയത്. ഇമിഗ്രേഷന്‍ ചെക്കിങ്ങിനിടെയായിരുന്നു സംഭവം. ഇരുവരെയും വൈദ്യപരിശോധനയ്ക്ക് കൊണ്ടുപോയതായി അധികൃതര്‍ അറിയിച്ചു.
സംഭവത്തില്‍ ലോറിയുടെ ഡ്രൈവറായ ചെറുപ്പക്കാരനെ അറസ്റ്റ് ചെയ്തിട്ടുണ്ട്.
