അയര്‍ലണ്ടില്‍ കഴിഞ്ഞ മൂന്ന് വര്‍ഷത്തിനിടെയുള്ള ഏറ്റവും ഉയര്‍ന്ന താപനില വെള്ളിയാഴ്ച രേഖപ്പെടുത്തി. Co Roscommon-ലെ Mount Dillion-ല്‍ അന്നലെ രേഖപ്പെടുത്തിയ 29.6 ഡിഗ്രി സെല്‍ഷ്യസ് താപനില രാജ്യത്ത് 2022 ഓഗസ്റ്റിന് ശേഷമുള്ള ഏറ്റവും ഉയര്‍ന്ന താപനിലയാണ്. 2018-ന് ശേഷം ഏറ്റവും ചൂടേറിയ ജൂണ്‍ മാസവും ഇതാണെന്ന് കാലാവസ്ഥാ വകുപ്പ് അറിയിച്ചു. വ്യാഴാഴ്ച രാജ്യത്ത് 27 ഡിഗ്രി വരെ ചൂട് ഉയര്‍ന്നിരുന്നു.
ഇന്നലെ രാജ്യത്തെ മറ്റ് പ്രദേശങ്ങളിലും ഉയര്‍ന്ന താപനില തന്നെയാണ് രേഖപ്പെടുത്തിയത്. Co Donegal-ലെ Finner-ല്‍ 28.9 ഡിഗ്രി വരെ ചൂട് ഉയര്‍ന്നപ്പോള്‍, Co Sligo-യിലെ Markree-യില്‍ 28.7 ഡിഗ്രിയും, Co Mayo-യിലെ Claremorris, Co Westmeath-ലെ Mullingar എന്നിവിടങ്ങളില്‍ 28.5 ഡിഗ്രി വരെയും ചൂടുയര്‍ന്നു.
വടക്കുപടിഞ്ഞാറന്‍ പ്രദേശത്താണ് കാര്യമായും ചൂട് വര്‍ദ്ധിച്ചത്. വരും ദിവസങ്ങളില്‍ മഴയും വെയിലും കൂടിക്കലര്‍ന്ന കാലാവസ്ഥയാണ് പ്രതീക്ഷിക്കുന്നത്.
