ഡബ്ലിനില്‍ കൊള്ള തടയാന്‍ ശ്രമിക്കവേ ഗാര്‍ഡ ഉദ്യോഗസ്ഥന് പരിക്ക്. Blanchardstown-ലാണ് വ്യാഴാഴ്ച പുലര്‍ച്ചെ 3.45-ഓടെ സംഭവമുണ്ടായത്.
കൊള്ള നടന്നതായി വിവരം ലഭിച്ച രണ്ട് ഗാര്‍ഡ ഉദ്യോഗസ്ഥര്‍ സംഭവസ്ഥലത്തെത്തുകയും, സഹായത്തിനായി റേഡിയോ വഴി കൂടുതല്‍ ഉദ്യോഗസ്ഥരെ വിളിക്കുകയും ചെയ്യുന്നതിനിടെ കത്തിയുമായി എത്തിയ ഒരാള്‍ അക്രമാസക്തനാകുകയും, ഭീഷണിപ്പെടുത്തുകയുമായിരുന്നു. സംഭവത്തില്‍ 20-ലേറെ പ്രായമുള്ള ഒരു ഗാര്‍ഡ ഉദ്യോഗസ്ഥനെ നിസ്സാര പരിക്കുകളോടെ Connolly Hospital-ല്‍ എത്തിച്ച് ചികിത്സ നല്‍കി.
തുടര്‍ന്ന് അക്രമിയെ പിടികൂടുകയും ഇയാളില്‍ നിന്നും ആക്രമിക്കാനുപയോഗിച്ച കത്തി, 1,500 യൂറോ എന്നിവ പിടിച്ചെടുക്കുകയും ചെയ്തു.
