അയര്‍ലണ്ടില്‍ മറ്റുള്ളവര്‍ക്ക് വേണ്ടി ഡ്രൈവിങ് തിയറി ടെസ്റ്റ് എഴുതിയയാള്‍ അറസ്റ്റില്‍. മറ്റ് അപേക്ഷകരുടെ പേരില്‍ ടെസ്റ്റ് എഴുതി അവര്‍ക്ക് ലേണര്‍ ലൈസന്‍സ് എടുത്തുകൊടുക്കുകയായിരുന്നു ഇയാള്‍. അനധികൃതമായി ലൈസന്‍സുകള്‍ എടുക്കുന്നത് തടയുക എന്ന ലക്ഷ്യത്തോടെ Garda National Economic Crime Bureau, 2021-ല്‍ ആരംഭിച്ച അന്വേഷണത്തിന്റെ ഭാഗമായാണ് 26-കാരനായ Andre Contagariu എന്നയാളെ ശനിയാഴ്ച അറസ്റ്റ് ചെയ്തത്.
2018-2021 കാലഘട്ടത്തിനിടെ ഒന്നോ, അതിലധികമോ പേര്‍ക്ക് ഇത്തരത്തില്‍ പകരക്കാരനായി ഇയാള്‍ പരീക്ഷയെഴുതിയതായാണ് കേസ്. Dublin District Court-ല്‍ ഹാജരാക്കിയ ഇയാളെ റിമാന്‍ഡില്‍ വിട്ടു. ജൂലൈ 3-ന് Cloverhill District Court-ല്‍ കേസ് വീണ്ടും പരിഗണിക്കും.
കേസുമായി ബന്ധപ്പെട്ട് ഒരു പുരുഷനെയും, സ്ത്രീയെയും നേരത്തെ തടവിന് ശിക്ഷിച്ചിരുന്നു.
