ശക്തമായ മഴയിലും വെള്ളപ്പൊക്കത്തിലും Co Cavan-ലെ പാലം ഭാഗികമായി തകര്‍ന്നു. Mullaghboy Bridge-ന്റെ ഒരു ഭാഗമാണ് തകര്‍ന്നത്. Gowlan – Glangevlin റോഡിലാണ് ഈ പാലം.
പാലം പുതുക്കിപ്പണിയുന്നതിനായി സെപ്റ്റംബര്‍ 26 വരെ L1012-0 Gowlan റോഡ് അടച്ചിടുന്നതായി കൗണ്ടി കൗണ്‍സില്‍ അറിയിച്ചു. അതുവരെ യാത്രക്കാര്‍ മറ്റ് റൂട്ടുകള്‍ ഉപയോഗിക്കണമെന്നും, അതിനാവശ്യമായ സൈന്‍ ബോര്‍ഡുകള്‍ സ്ഥാപിക്കുമെന്നും കൗണ്‍സില്‍ അറിയിച്ചു (https://shorturl.at/heOZf).
പാലം തകര്‍ന്നത് വെള്ളപ്പൊക്കം കാരണമാണെങ്കിലും ഈയിടെയായി സമീപത്തെ മണ്ണെടുപ്പിനെത്തിയ വലിയ വാഹനങ്ങള്‍ ഈ പാലമുപയോഗിക്കുന്നത് അതിന് ബലക്ഷയം വരുത്തിയതായി West Cavan കൗണ്‍സിലറായ John Paul Feeley പറഞ്ഞു. ഞായറാഴ്ചയുണ്ടായ അതിശക്തമായ മഴ പ്രദേശത്തെ പല റോഡുകളും കേടാകാന്‍ കാരണമായിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
