ഇടിമിന്നലോടു കൂടിയ മഴ പ്രതീക്ഷിക്കുന്ന ക്ലെയര്‍, കെറി, ലിമറിക് കൗണ്ടികളില്‍ യെല്ലോ തണ്ടര്‍ സ്‌റ്റോം വാണിങ് നല്‍കി കാലാവസ്ഥാ വകുപ്പ്. ഈയാഴ്ച രാജ്യത്തുടനീളം ചൂട് വര്‍ദ്ധിക്കുമെന്നും, എന്നാല്‍ ചിലയിടങ്ങളില്‍ ശക്തമായ മഴ പെയ്‌തേക്കുമെന്നും കാലാവസ്ഥാ അധികൃതര്‍ നേരത്തെ പറഞ്ഞിരുന്നു.
ബുധനാഴ്ച പകല്‍ 3 മണി മുതല്‍ രാത്രി 9 മണി വരെയാണ് മുന്നറിയിപ്പ്. മേല്‍ പറഞ്ഞ കൗണ്ടികളില്‍ പ്രാദേശികമായ വെള്ളപ്പൊക്കം, മിന്നലേറ്റുള്ള നാശനഷ്ടം, യാത്രാദുരിതം എന്നിവ ഉണ്ടാകാമെന്നും അധികൃതര്‍ അറിയിച്ചു.
