അതിശക്തമായ കാറ്റ് വീശാനുള്ള സാധ്യതയെത്തുടര്‍ന്ന് അയര്‍ലണ്ടിലെ Clare, Kerry, Galway, Mayo എന്നീ കൗണ്ടികളില്‍ യെല്ലോ വിന്‍ഡ് വാണിങ് നല്‍കി കാലാവസ്ഥാ വകുപ്പ്. ഇന്ന് (ഞായര്‍) വൈകിട്ട് 9 മണി മുതല്‍ തിങ്കളാഴ്ച രാവിലെ 6 മണി വരെയാണ് മുന്നറിയിപ്പ്.
ശക്തമായ പടിഞ്ഞാറന്‍ കാറ്റില്‍ സാധനങ്ങളും മറ്റും പറന്നുപോയി നാശനഷ്ടം സംഭവിക്കാനും സാധ്യതയുണ്ട്. പുറത്തിറങ്ങുന്നവര്‍ ജാഗ്രത പാലിക്കുക.
അതേസമയം Donegal, Leitrim, Sligo എന്നീ കൗണ്ടികളില്‍ ശക്തമായ മഴയെ തുടര്‍ന്ന് മറ്റൊരു യെല്ലോ വാണിങ്ങും നല്‍കിയിട്ടുണ്ട്. തിങ്കളാഴ്ച രാവിലെ 5 മണി മുതല്‍ വൈകിട്ട് 5 മണി വരെയാണ് മുന്നറിയിപ്പ്. ഇവിടങ്ങളില്‍ പ്രാദേശികമായ വെള്ളപ്പൊക്കത്തിനും സാധ്യതയുണ്ട്.
ഈയാഴ്ചയിലുടനീളം രാജ്യത്ത് കാറ്റും, മഴയും ശക്തമാകുമെന്നും കാലാവസ്ഥാ വിദഗ്ദ്ധര്‍ അറിയിച്ചിട്ടുണ്ട്.
