അയര്‍ലണ്ടില്‍ 2024 ഒക്ടോബര്‍ 1-ന് ശേഷം ജനിച്ച എല്ലാ കുട്ടികള്‍ക്കും സൗജന്യ ചിക്കന്‍ പോക്സ് വാക്സിന് നല്‍കുമെന്ന് Health Service Executive (HSE). 12 മാസം പ്രായമായ എല്ലാ കുട്ടികള്‍ക്കും സൗജന്യമായി വാക്സിന് ലഭിക്കും.
ചിക്കന്‍പോക്‌സ് പിടിപെടുന്നത് കുട്ടിക്കാലത്താണ് എന്നതാണ് പൊതുവിലെ ധാരണ എങ്കിലും, 2018-2024 കാലത്ത് ശൈശവത്തിന് ശേഷം ചിക്കന്‍പോക്‌സ് ബാധിച്ച പലകുട്ടികളിലും meningitis അല്ലെങ്കില്‍ encephalitis ബാധ ഉണ്ടായിരുന്നു. അസുഖം ബാധിച്ച് ആശുപത്രിയില്‍ പ്രവേശിപ്പിക്കപ്പെടുന്നവരുടെ എണ്ണവും വര്‍ദ്ധിച്ചു.
ഈ സാഹചര്യത്തിലാണ് കുട്ടികള്‍ക്ക് സൗജന്യ വാക്സിന് നല്‍കാന്‍ അധികൃതര്‍ തയ്യാറായിരിക്കുന്നത്. വാക്സിന് ബുക്ക് ചെയ്യാനായി ജിപിയെ സമീപിക്കേണ്ടതാണ്. 2,4,6,12, 13 എന്നീ മാസങ്ങളിലായി നവജാതശിശുക്കളുമായി ജിപിയെ കാണിക്കേണ്ടുണ്ട്. ഓരോ തവണ കാണിക്കുമ്പോഴും ബ്ലൂ ഇമ്യൂണൈസേഷന്‍ പാസ്‌പോര്‍ട്ട് ഉണ്ടെന്നും രക്ഷിതാക്കള്‍ ഉറപ്പാക്കണം.
കൂടുതല്‍ വിവരങ്ങള്‍ക്ക്: https://www.hse.ie/eng/health/immunisation/
