ഡബ്ലിനില്‍ രേഖകളില്ലാതെ കൈവശം വച്ച 300,000-ലേറെ യൂറോയുമായി രണ്ട് സ്ത്രീകളും ഒരു പുരുഷനും അറസ്റ്റില്‍. സംഘടിത കുറ്റവാളി സംഘങ്ങളെ ലക്ഷ്യമിട്ട് ബുധനാഴ്ച Dublin Metropolitan Region-ല്‍ ഗാര്‍ഡ നടത്തിയ ഓപ്പറേഷനിലാണ് നടപടി.
ഓപ്പറേഷന്റെ ഭാഗമായി Dublin North Inner City-യിലെ നിരവധി വീടുകള്‍ പരിശോധിച്ചു. ഒരു വീട്ടില്‍ നിന്നും 35,000 യൂറോയും, മറ്റൊരു വീട്ടില്‍ നിന്നും 266,00 യൂറോയുമാണ് രേഖകളില്ലാതെ കണ്ടെത്തിയത്.
40-ലേറെ പ്രായമുള്ള ഒരു പുരുഷനും, 30-ലേറെ പ്രായമുള്ള ഒരു സ്ത്രീയും, 60-ലേറെ പ്രായമുള്ള മറ്റൊരു സ്ത്രീയുമാണ് അറസ്റ്റിലായത്. ഇവരെ ഇന്ന് കോടതിയില്‍ ഹാജരാക്കും.
