ഡബ്ലിനിലെ പഴയ ഡാര്ട്ട് കാര്യേജുകള്ക്ക് പകരം പുതിയവ എത്തുന്നു. 1984 മുതല് സര്വീസ് നടത്തിവരുന്ന എല്ലാ പഴയ കാര്യേജുകളും മാറ്റി, പകരം പുതിയവയാണ് സര്വീസിന് എത്തിക്കുന്നത്.
നേരത്തെ രണ്ട് വട്ടം ഓര്ഡര് നല്കിയവ കൂടാതെ പുതുതായി 100 കാര്യേജുകള്ക്ക് കൂടിയാണ് അധികൃതര് ഓര്ഡര് നല്കിയിട്ടുള്ളത്. ഇതോടെ വൈദ്യുതിശക്തി ഉപയോഗിച്ച് പ്രവര്ത്തിക്കുന്ന ഡാര്ട്ട് ട്രെയിനുകള്ക്കായി ആകെ മുടക്കിയിരിക്കുന്നത് 670 മില്യണ് യൂറോ ആണ്.
2027-ഓടെ പുതിയ കാര്യേജുകള് സര്വീസ് ആരംഭിക്കും.
പുതിയ ബോഗികളും ധാരാളം കാലം ഈടു നില്ക്കുമെന്നാണ് പ്രതീക്ഷിക്കുന്നതെന്ന് ഐറിഷ് റെയില് പറഞ്ഞു. നിലവില് സര്വീസ് നടത്തുന്ന ഡാര്ട്ടുകളില് ഏതാണ്ട് എല്ലായെണ്ണവും 1984 മുതല് പ്രവര്ത്തിക്കുന്നതാണ്.
പൊതുഗതാഗത രംഗത്തോടും, പ്രത്യേകിച്ച് റെയില്വേയോടുമുള്ള സര്ക്കാരിന്റെ പ്രതിബദ്ധതയാണ് പുതിയ ബോഗികളുടെ ഓര്ഡറുകള് കാണിക്കുന്നതെന്ന് ഗതാഗതമന്ത്രി Darragh O’Brien-ഉം പ്രതികരിച്ചു.
