ഡബ്ലിൻ : ജീവിതം കരുപ്പിടിപ്പിക്കുവാനായി ഒരു വർഷം മുൻപ് അയർലണ്ടിൽ എത്തിയ കോട്ടയം, ആർപ്പൂക്കര വെസ്റ്റ് വട്ടപ്പറമ്പിൽ അഭിലാഷിന്റെ വേർപാട് വിശ്വസിക്കാനാവാതെ മലയാളി സമൂഹം. ഹൃദയസ്തംഭനം മൂലമാണ് ജോസഫ് ജെയിംസ് (അഭിലാഷ്-49) മരണമടഞ്ഞത്.18 വയസ്സും അതിൽ താഴെയുമുള്ള 5 പെൺകുട്ടികളും ഒരു ആൺകുട്ടിയുമാണ് അഭിലാഷ് – ആശ ദമ്പതികൾക്കുള്ളത്.
നേഴ്സ് ആയ ആശ രണ്ട് വർഷം മുൻപ് അയർലണ്ടിൽ എത്തിയെങ്കിലും 9 മാസം മുൻപാണ് മറ്റ് കുടുംബാംഗങ്ങൾ അയർലൻഡിൽ എത്തിയത്. വാടക വീട്ടിൽ താമസിക്കുന്ന കുടുംബത്തിന് ഈ വിഷമഘട്ടത്തിൽ നമ്മുടെ സഹായ ഹസ്തം ഏറെ ആവശ്യമാണ്.ഇന്ത്യൻ പാസ്പോർട്ട് ആയതിനാൽ കുട്ടികളുടെ തുടർ പഠനത്തിന് വലിയൊരു തുക ഫീസ് ആകും എന്നുള്ള കാര്യം കൂടി പരിഗണിച്ച് സുമനസ്സിനുടമകളായ എല്ലാ മലയാളി സുഹൃത്തുക്കളും എല്ലാവിധ സഹായ സഹകരണങ്ങളും ഈ കുടുംബത്തിന് നൽകണമെന്ന് വിനീതമായി അപേക്ഷിക്കുന്നു.
അതിജീവനത്തിന്റെ ഈ നാളുകളിൽ ആശയുടെ മനസ്സ് നിരാശയുടെ നീർക്കയത്തിൽ മുങ്ങിത്താഴുവാൻ നമ്മൾ അനുവദിച്ചുകൂടാ.ആ ജീവിത വഞ്ചി മുന്നോട്ട് തുഴയാൻ നമ്മുക്കും കൈകോർക്കാം.
സഹായം നൽകാൻ:
https://gofund.me/374938b8b
