ലിമറിക്കിൽ കുടുംബങ്ങൾ തമ്മിലുള്ള കുടിപ്പക തുടരുന്നു; വീണ്ടും വീടിനു നേരെ വെടിവെപ്പ്

ലിമറിക്കിൽ വീണ്ടും കുടുംബങ്ങൾ തമ്മിലുള്ള കുടിപ്പകയെ തുടർന്ന് വെടിവെപ്പ്. വ്യാഴാഴ്ച പുലർച്ചെ 5 മണിയോടെ സൗത്ത് ലിമറിക്കിലെ John Carew Park-ലുള്ള Maigue Way-ലെ വീടിനു നേരെയാണ് വാഹനത്തിൽ എത്തിയ ചിലർ വെടിവെപ്പ് നടത്തിയത്.

സംഭവത്തിൽ ആർക്കും പരിക്കില്ലെന്ന് അറിയിച്ച ഗാർഡ, ദൃ‌ക്സാക്ഷികൾ ആരെങ്കിലും ഉണ്ടെങ്കിൽ മുന്നോട്ട് വരണമെന്നും അഭ്യർത്ഥിച്ചു. Maigue Way, John Carew Park പ്രദേശത്ത് ജനുവരി 8 വ്യാഴാഴ്ച രാവിലെ 4.45-നും 5.15-നും ഉണ്ടായിരുന്ന ആരെങ്കിലും സംഭവം കണ്ടിട്ടുണ്ടെങ്കിലോ, വീഡിയോ ദൃശ്യങ്ങൾ ലഭിച്ചിട്ടുണ്ടെങ്കിലോ ഏതെങ്കിലും ഗാർഡ സ്റ്റേഷനിലോ, താഴെ പറയുന്ന നമ്പറുകളിലോ ബന്ധപ്പെടുക:
Roxboro Garda Station – 061 214340
Garda Confidential Line – 1800 666 111