ഡബ്ലിനിൽ ഗ്ലാസ് കഷ്ണം കൊണ്ടുള്ള ഏറിൽ പരിക്കേറ്റ മദ്ധ്യവയസ്കൻ ആശുപത്രിയിൽ. വ്യാഴാഴ്ച വൈകിട്ട് 6.30-ഓടെ Oscar Traynor Road- ൽ വച്ചാണ് സംഭവം. പരിക്കേറ്റ 50-ലേറെ പ്രായമുള്ള പുരുഷൻ Beaumont Hospital-ൽ ചികിത്സയിലാണ്.
സംഭവത്തിൽ അന്വേഷണം ആരംഭിച്ച ഗാർഡ, ദൃക്സാക്ഷികളെ തേടുകയാണ്. ജനുവരി 15 വ്യാഴാഴ്ച വൈകിട്ട് 6.20 മുതൽ 7 മണി വരെ Oscar Traynor Road-ലെ Beechlawn, Bunratty പ്രദേശങ്ങളിൽ ഉണ്ടായിരുന്ന ആരെങ്കിലും സംഭവം കണ്ടിട്ടുണ്ടെങ്കിൽ മുന്നോട്ട് വരണമെന്ന് ഗാർഡ അഭ്യർത്ഥിക്കുന്നു. സംഭവത്തിന്റെ വീഡിയോ ദൃശ്യം കൈവശം ഉള്ളവരും ഏതെങ്കിലും ഗാർഡ സ്റ്റേഷനിലോ, താഴെ പറയുന്ന നമ്പറുകളിലോ അറിയിക്കണം:
Coolock Garda Station – 01 666 4200
Garda Confidential Line on 1800 666 111
