വെള്ളപ്പൊക്കത്തെ തുടര്ന്ന് കോര്ക്ക് സിറ്റിയില് പ്രവര്ത്തിക്കുന്ന മേഴ്സി യൂണിവേഴ്സിറ്റി ഹോസ്പിറ്റലിന്റെ (MUH) എമര്ജന്സി ഡിപ്പാര്ട്ട്മെന്റ് താല്ക്കാലികമായി അടച്ചു. achelor’s Quay-യ്ക്ക് സമീപമുള്ള Grenville Place-ലാണ് ആശുപത്രി പ്രവര്ത്തിക്കുന്നത്.
വെള്ളം കയറിയതോടെയുള്ള അത്യാവശ്യ അറ്റകുറ്റപ്പണികള്ക്കായി ഇന്നലെയാണ് എമര്ജന്സി ഡിപ്പാര്ട്ട്മെന്റ് അടച്ചത്. അതിന് ശേഷം ഡിപ്പാര്ട്ട്മെന്റ് തുറന്നുപ്രവര്ത്തിക്കാന് ആരംഭിച്ചോ എന്ന കാര്യത്തില് വ്യക്തതയില്ല.
അടിയന്തരമായി ചികിത്സ വേണ്ട രോഗികള് മറ്റ് ആശുപത്രികളെയോ, ജിപിമാരെയോ, കെമിസ്റ്റുകളെയോ, ഇന്ജുറി യൂണിറ്റുകളെയോ സമീപിക്കണമെന്നും, പ്രശ്നം എത്രയും വേഗം പരിഹരിക്കാന് ശ്രമം നടത്തിവരികയാണെന്നും ആശുപത്രി അധികൃതര് അറിയിച്ചു.
