സ്ലൈഗോ: സ്ലൈഗോ യൂണിവേഴ്സിറ്റി ഹോസ്പിറ്റലിൽ ഡയാലിസിസ് നേഴ്സ് ആയിരുന്ന നൈസിൻ തോമസ് (38) നിര്യാതയായി. സംസ്കാരം മാർച്ച് 16 തിങ്കളാഴ്ച 2 മണിക്ക് സ്ലൈഗോയിലെ ബാലിസഡേർ സെന്റ്. ബ്രിജിറ്റ്സ് ദേവാലയത്തിൽ നടക്കും(Saint Brigid’s Church, Corhownagh, Ballisodare, Co. Sligo,F91RH70).
പൊതുദർശനം മാർച്ച് 15 ഞായറാഴ്ച സ്ലൈഗോയിലെ ഷോൺ ഫീലീസ് ഫ്യൂണറൽ ഹോമിൽ 12.30 മുതൽ 3.30 വരെ ക്രമീകരിച്ചിട്ടുണ്ട് (Seán Feehily’s Funeral Home, Cartron Cross, Sligo ,F91EH98). ചാലക്കുടി മാളിയേക്കൽ ചെറ്റക്കൽ കുടുംബാംഗമാണ് നൈസിൻ. ഭർത്താവ്: ആൽബിൻ സെബാസ്റ്റ്യൻ സ്രാട്ടേൽ (നേഴ്സ്, സ്ലൈഗോ യൂണിവേഴ്സിറ്റി ഹോസ്പിറ്റൽ). മക്കൾ നേതൻ സെബാസ്റ്റ്യൻ സ്രാട്ടേൽ, തോമസ് ഡേവിഡ് സ്രാട്ടേൽ.
ബെംഗളൂരുവിലെ ഗൗതം കോളേജ് ഓഫ് നഴ്സിങ്ങിൽ നിന്നും ഡിഗ്രി പൂർത്തിയാക്കിയ നൈസിൻ, പൂനെയിലെ റൂബി ഹാൾ ക്ലിനിക്, മിനിസ്ട്രി ഓഫ് ഹെൽത്ത് ഒമാൻ, സോണാസ് നഴ്സിംഗ് ഹോം എന്നിസ്ക്രോൺ, അയർലണ്ട് എന്നിവിടങ്ങളിലും സേവനമനുഷ്ഠിച്ചിട്ടുണ്ട്.
പിതാവ്: സി.എ. തോമസ്, മാതാവ്: ശോഭാ തോമസ്, സഹോദരങ്ങൾ സെറിൻ തോമസ് (നേഴ്സ്, ഓസ്ട്രേലിയ), ഏഞ്ചൽ തോമസ് (അയർലണ്ട്).
നൈസിന്റെ നിര്യാണത്തിൽ ഇന്ത്യൻ അസോസിയേഷൻ ഓഫ് സ്ലൈഗോ, മലയാളി അസോസിയേഷൻ സ്ലൈഗോ, സെന്റ് തോമസ് സീറോ മലബാർ ചർച്ച് സ്ലൈഗോ, സെന്റ് തോമസ് ഇന്ത്യൻ ഓർത്തഡോക്സ് ചർച്ച് സ്ലൈഗോ, ഇമ്മാനുവേൽ ഗോസ്പൽ മിഷൻ ചർച്ച് സ്ലൈഗോ, മാർത്തശ്ശമുനി യാക്കോബായ ചർച്ച് സ്ലൈഗോ, നോർത്ത് വെസ്റ്റ് ഹിന്ദു കൾച്ചറൽ സൊസൈറ്റി എന്നിവർ അനുശോചനം രേഖപ്പെടുത്തി.
വാർത്ത: നൈനാൻ തോമസ്
