അയര്‍ലണ്ടിലെ എല്ലാ ഇന്റര്‍സിറ്റി ട്രെയിനുകളിലും ചൊവ്വാഴ്ച (ജനുവരി 23) മുതല്‍ ഇ-ടിക്കറ്റുകള്‍ ലഭ്യമാകും. ഇതോടെ ടിക്കറ്റ് പ്രിന്റ് ചെയ്ത് കൈയില്‍ സൂക്ഷിക്കേണ്ടതില്ലെന്ന് റെയില്‍വേ വ്യക്തമാക്കി.
കഴിഞ്ഞ ഏതാനും മാസങ്ങളായി നിരക്ക് കുറഞ്ഞ ടിക്കറ്റുകളിലും, സെമി ഫ്‌ളക്‌സ് ടിക്കറ്റുകളിലും ഇ-ടിക്കറ്റിങ് രീതി നടപ്പിലാക്കി വന്നത് ചൊവ്വാഴ്ചയോടെ എല്ലാ ടിക്കറ്റുകളിലേയ്ക്കും വ്യാപിപ്പിക്കുകയാണെന്ന് റെയില്‍വേ അധികൃതര്‍ അറിയിച്ചു.
ടിക്കറ്റ് ബുക്ക് ചെയ്യുമ്പോള്‍ തന്നെ ഇനിമുതല്‍ ഇ-ടിക്കറ്റ് ഓപ്ഷന്‍ തെരഞ്ഞെടുക്കാം. ഇതില്‍ ക്യുആര്‍ കോഡും ഉണ്ടാകും. എയര്‍പോര്‍ട്ട് ടിക്കറ്റുകള്‍ക്ക് സമാനമായ രീതിയിലാണ് ഇതിന്റെയും പ്രവര്‍ത്തനമെന്നും റെയില്‍വേ വ്യക്തമാക്കി.
അഥവാ പ്രിന്റഡ് ടിക്കറ്റ് വേണ്ടവര്‍ക്ക് അതിനുള്ള സൗകര്യവുമുണ്ട്.
അതേസമയം എന്റര്‍പ്രൈസ് യാത്രകള്‍ക്ക് ഇ-ടിക്കറ്റ് സംവിധാനമുണ്ടാകില്ല. Northern Irish Railways-മായി ചേര്‍ന്നാണ് ഇതിന്റെ പ്രവര്‍ത്തനമെന്നതാണ് കാരണം.
