ലൂക്കനിലെ ഭരണക്ഷി സ്ഥാനാര്‍ഥിയായ അഡ്വ. ജിതിന് റാമിന്റെ ശ്രമഫലമായി ലൂക്കനിലെ മലയാളികളുടെ ക്രിക്കറ്റ് ക്ലബ്ബ് ആയ AMC-ക്ക് പിച്ച് അനുവദിച്ചു. ജിതിന് റാം നടത്തിയ നിരന്തരമായ ചര്‍ച്ചകളുടെ ഫലമായാണ് സൗത്ത് കൗണ്ടി കൗണ്‍സില്‍ നിര്‍മ്മിച്ച്, ആഡംസ്ടൌൺ ക്രിക്കറ്റ് ക്ലബ്ബ് നടത്തിപ്പോരുന്ന ക്രിക്കറ്റ് പിച്ച്, പരിശീലനം നടത്താനും, മത്സരങ്ങള്‍ നടത്താനുമായി AMC-ക്ക് കൂടി വിട്ടുകൊടുത്തത്.
ഒപ്പം AMC നടത്തുന്ന ക്രിക്കറ്റ് ടൂർണ്ണമെന്റ് സീസൺ 2 ന്‍റെ ഭാഗമായി പുതിയ ടീം ജേഴ്‌സി പ്രകാശനം ചെയ്യുന്ന ചടങ്ങും നടന്നു. അഡ്വ. ജിതിൻ റാം ജഴ്‌സി ഏറ്റുവാങ്ങി.
തങ്ങളുടെ ഏറെക്കാലത്തെ ആഗ്രഹ സഫലീകരണത്തിനു ആദ്യാവസാനം കൂടെ നിന്ന ജിതിന് ക്ലബ്ബ് അംഗങ്ങൾ നന്ദി അറിയിച്ചു.
ഈ വരുന്ന കൗൺസിൽ തെരഞ്ഞെടുപ്പിൽ ലൂക്കനിൽ നിന്നും ഭരണകക്ഷിയായ ഗ്രീൻ പാർട്ടിയുടെ സ്ഥാനാർഥി ആയാണ് ജിതിൻ റാം ജനവിധി തേടുന്നത്. കുടിയേറ്റക്കാരുടെ പ്രശ്നങ്ങളിൽ നിരന്തരം ഇടപെടുകയും, ആവശ്യമായ നിയമ സഹായങ്ങളടക്കം നൽകിവരികയും ചെയ്യുന്ന ജിതിൻ, ഇന്ത്യൻ പ്രവാസി സമൂഹത്തിനു സുപരിചിതനാണ്.
