അടുത്ത വര്‍ഷം മുതല്‍ അയര്‍ലണ്ടിലെ ഉപഭോക്താക്കള്‍ക്ക് മോര്‍ട്ട്‌ഗേജ് ലഭ്യമാക്കുമെന്ന് പ്രഖ്യാപിച്ച് ബാങ്കിങ് ആപ്പ് ആയ Revolut. ഇതോടെ രാജ്യത്തെ മോര്‍ട്ട്‌ഗേജ് വിപണിയില്‍ മത്സരം മുറുകും.
നിലവില്‍ 2.7 മില്യണ്‍ ഉപഭോക്താക്കളാണ് Revolut-ന് അയര്‍ലണ്ടിലുള്ളത്. പരമാവധി 30,000 യൂറോ വരെയുള്ള ലോണുകള്‍ ഇപ്പോള്‍ തന്നെ ഉപഭോക്താക്കള്‍ക്ക് കമ്പനി നല്‍കിവരുന്നുണ്ട്.
അതേസമയം എത്തരത്തിലാണ് മോര്‍ട്ട്‌ഗേജ് നല്‍കുക എന്ന വിശദാംശങ്ങളൊന്നും ഇതുവരെ തീരുമാനിച്ചിട്ടില്ലെന്ന് Revolut-ന്റെ യൂറോപ്പ് മേധാവിയായ ജോ ഹെനഗന്‍ പറഞ്ഞു. എങ്കിലും അയര്‍ലണ്ടിലെ മോര്‍ട്ട്‌ഗേജ് വിപണിയില്‍ സാന്നിദ്ധ്യമറിയിക്കാന്‍ തിരക്കേറിയ നീക്കങ്ങള്‍ തങ്ങള്‍ അണിയറിയില്‍ നടത്തിവരികയാണെന്ന് അദ്ദേഹം വ്യക്തമാക്കി.
