അയര്‍ലണ്ടില്‍ ഇന്ന് രാവിലത്തെ കണക്ക് പ്രകാരം വിവിധ ആശുപത്രികളിലായി ബെഡ്ഡ് ലഭിക്കാതെ ട്രോളികളിലും, കസേരകളിലും മറ്റുമായി ചികിത്സ തേടുന്നത് 573 രോഗികള്‍. Irish Nurses and Midwives Organisation (INMO) പുറത്തുവിട്ട കണക്ക് പ്രകാരം ഈ രോഗികളില്‍ 438 പേരും എമര്‍ജന്‍സി ഡിപ്പാര്‍ട്ട്‌മെന്റുകളിലാണ്.
ഏറ്റവും കൂടുതല്‍ രോഗികള്‍ ബെഡ്ഡ് ലഭിക്കാതെ ചികിത്സ തേടുന്നത് University Hospital Limerick-ലാണ്. 100 പേരാണ് ഇവിടെ ഇത്തരത്തില്‍ ദുരിതമനുഭവിക്കുന്നത്. 58 രോഗികളുമായി University Hospital Galway ആണ് ഇക്കാര്യത്തില്‍ രണ്ടാമത്. Cork University Hospital-ല്‍ 42 രോഗികളും ബെഡ്ഡ് ലഭിക്കാതെ ചികിത്സ തേടുന്നു.
Temple Street Children’s University Hospital-ല്‍ എട്ട് പേര്‍ ബെഡ്ഡില്ലാതെ ചികിത്സ തേടുന്നതായും INMO റിപ്പോര്‍ട്ടില്‍ പറയുന്നുണ്ട്.
രാജ്യത്തെ ആശുപത്രികളില്‍ ബെഡ്ഡ് ലഭിക്കാതെ രോഗികള്‍ ട്രോളികളിലും, കസേരകളിലുമിരുന്ന് ചികിത്സ തേടുന്ന കാര്യം ഏറെ നാളായി INMO സര്‍ക്കാരിന്റെ ശ്രദ്ധയില്‍ പെടുത്തിയിട്ടുണ്ടെങ്കിലും ഇതുവരെ ഇതിന് പരിഹാരമുണ്ടായിട്ടില്ല.
