അയര്‍ലണ്ടിലെങ്ങുമായി ഗാര്‍ഡ ഇന്ന് (ഏപ്രില്‍ 09, ബുധന്‍) നാഷണല്‍ സ്ലോ ഡൗണ്‍ ഡേ ആചരിക്കുകയാണ്. Road Safety Authority (RSA)-യുമായി ചേര്‍ന്ന് ഇന്ന് അര്‍ദ്ധരാത്രി 12 മണി മുതല്‍ ആരംഭിച്ച സ്ലോ ഡൗണ്‍ ഡേ, രാത്രി 11.59 വരെ തുടരും. വാഹനങ്ങള്‍ സുരക്ഷിത വേഗത്തില്‍ പോകാന്‍ ആഹ്വാനം ചെയ്യുന്ന ഈ ദിനത്തില്‍ ഇതുവരെ 125 പേരെ അമിതവേഗതയ്ക്ക് പിടികൂടിയതായി ഗാര്‍ഡ അറിയിച്ചു.
കൗണ്ടി വിക്ക്‌ലോയിലെ Newcastle-ലുള്ള N11-ല്‍ 100 കി.മീ വേഗപരിധിയുള്ളിടത്ത് മണിക്കൂറില്‍ 144 കി.മീ വേഗത്തില്‍ കാര്‍ പറത്തിയ ആളും പിടിയിലായവരില്‍ ഉള്‍പ്പെടുന്നു. GoSafe Mobile, Static Safety Cameras എന്നിവ ഉപയോഗിച്ചാണ് ഗാര്‍ഡ അമിതവേഗക്കാരെ കണ്ടുപിടിക്കുന്നത്.
Co Laois-ലെ Portlaoise-ലുള്ള R445-ല്‍ 80 കി.മീ വേഗപരിധിയുള്ളിടത്ത് 110 കി.മീ വേഗത്തില്‍ വാഹനമോടിച്ചയാള്‍, കൗണ്ടി ഗോള്‍വേയിലെ N67-ല്‍ 100 കി.മീ പരിധിയുള്ളിടത്ത് 141 കി.മീ വേഗത്തില്‍ പറന്നയാള്‍ എന്നിങ്ങനെയും ഗാര്‍ഡയുടെ പിടിയിലായിട്ടുണ്ട്.
വേഗത കുറച്ച് വാഹനമോടിക്കുക, നിങ്ങളുടെയും, മറ്റുള്ളവരുടെയും ജീവന്‍ സംരക്ഷിക്കുക.
