ഏറ്റവും കൂടുതല്‍ പേര്‍ ഇന്‍സ്റ്റാഗ്രാമില്‍ പോസ്റ്റ് ചെയ്ത ലോകത്തെ രണ്ടാമത്തെ റോഡ് യാത്ര എന്ന ഖ്യാതി The Wild Atlantic Way-ക്ക് സ്വന്തം. ആറ് ഭൂഖണ്ഡങ്ങളിലെ 40 ഡ്രൈവിങ് റൂട്ടുകളില്‍ നിന്നാണ് കാര്‍ റീട്ടെയില്‍ കമ്പനിയായ Cinch, ഏറ്റവുമധികം ഫോട്ടോകള്‍ ഇന്‍സ്റ്റാഗ്രാമില്‍ പോസ്റ്റ് ചെയ്ത അഞ്ച് റൂട്ടുകളുടെ പട്ടിക തയ്യാറാക്കിയത്. അയര്‍ലണ്ടിലെ ഡോണഗല്‍ മുതല്‍ കോര്‍ക്ക് വരെയുള്ള The Wild Atlantic Way-യുടെ 1.9 മില്യണ്‍ ഫോട്ടോകളാണ് ഇന്‍സ്റ്റയില്‍ പോസ്റ്റ് ചെയ്യപ്പെട്ടിരിക്കുന്നത്.
ലോകത്തിലെ ഏറ്റവും ദൈര്‍ഘ്യമേറിയ ഈ തീരദേശപാത ഒമ്പത് കൗണ്ടികളിലൂടെയാണ് കടന്നുപോകുന്നത്. 2,600 കി.മീ ആണ് ആകെ ദൂരമെന്നതിനാല്‍ ദിവസങ്ങള്‍ കൊണ്ട് മാത്രമേ യാത്ര പൂര്‍ത്തിയാക്കാനാകൂ.
യുഎസിലെ റൂട്ട് 66 ആണ് പട്ടികയില്‍ ഒന്നാമത്.
