ഡബ്ലിനിലെ George’s Docklands പാലത്തിലുണ്ടായ തീപിടിത്തത്തെ തുടര്ന്ന് Connolly – The Point റൂട്ടില് ഏതാനും ആഴ്ചത്തേയ്ക്ക് ലുവാസ് റെഡ് ലൈന് സര്വീസ് ഉണ്ടാകില്ലെന്ന് അധികൃതര്. അറ്റകുറ്റപ്പണികള്ക്കും മറ്റുമായി ഒരാഴ്ച റൂട്ട് അടച്ചിടുമെന്നാണ് നേരത്തെ പറഞ്ഞിരുന്നതെങ്കിലും, കുറഞ്ഞത് ഏതാനും ആഴ്ചത്തേയ്ക്കെങ്കിലും ഈ റൂട്ടില് റെഡ് ലൈന് സര്വീസ് ഉണ്ടാകില്ലെന്ന് ലുവാസ് നടത്തിപ്പുകാരായ Transdev അറിയിച്ചു. സുരക്ഷാപരിശോധനകള് പൂര്ത്തിയായാല് മാത്രമേ സര്വീസ് പുനരാരംഭിക്കുകയുള്ളൂ.
അതേസമയം Tallaght/Saggart – Connolly റൂട്ടില് ലുവാസ് സര്വീസ് പതിവ് പോലെ തുടരും. ലുവാസ് ടിക്കറ്റുകള് Connolly – The Point റൂട്ടിലുള്ള ഡബ്ലിന് ബസ് സര്വീസുകളില് ഉപയോഗിക്കാം. ഈ റൂട്ടിലെ ലുവാസ് സര്വീസ് പുനരാരംഭിക്കുന്നത് വരെ പ്രത്യേക ബസ് സര്വീസ് നടത്താനും ആലോചനയുണ്ട്. ലുവാസ് സര്വീസ് സംബന്ധിച്ച വിവരങ്ങള്ക്ക്: