ഡബ്ലിൻ: ചാമ്പ്യൻസ് ലീഗ് ക്രിക്കറ്റ് ടൂർണമെന്റിൽ (Champions League Cricket Tournament)
ലൂക്കൻ കോൺഫിഡന്റ് ക്രിക്കറ്റേഴ്സ് (LCC ) തങ്ങളുടെ കിരീട നേട്ടം ആവർത്തിച്ചു. ശക്തമായ പ്രകടനത്തിലൂടെ തുടർച്ചയായി മൂന്നാം തവണയാണ് ടീം കിരീടം ചൂടിയത്. ഈ വിജയത്തോടെ, ചാമ്പ്യൻസ് ലീഗിൽ ഹാട്രിക് കിരീടം നേടുന്ന ആദ്യ ടീം എന്ന ചരിത്രനേട്ടവും LCC സ്വന്തമാക്കി.
ഇതുവരെ നടന്ന നാല് ചാമ്പ്യൻസ് ട്രോഫികളിൽ മൂന്നും LCC-യാണ് കരസ്ഥമാക്കിയത് . അയർലൻഡിലെ പ്രധാന ക്രിക്കറ്റ് ടൂർണമെന്റുകളിൽ വിജയിക്കുന്ന ടീമുകൾക്ക് മാത്രമാണ് ചാമ്പ്യൻസ് ട്രോഫിയിൽ മത്സരിക്കാൻ യോഗ്യത നേടുന്നത്. ഇത്തവണ ആറു ടീമുകളാണ് യോഗ്യത നേടിയത്.
കരുത്തരായ എതിരാളികളെ മറികടന്നാണ് LCC ചരിത്ര നേട്ടം കരസ്ഥമാക്കിയത് . ടീമിന്റെ വിജയത്തിൽ നിർണായക പങ്കുവഹിച്ച ചീമയെ ഫൈനലിലെ താരമായി (Player of the Final) തിരഞ്ഞെടുത്തു.
ഈ നേട്ടത്തിലൂടെ LCC തങ്ങളുടെ അയർലണ്ട് ക്രിക്കറ്റ് രംഗത്തെ മേൽക്കോയ്മ ഒരിക്കൽ കൂടി തെളിയിച്ചു.
