Storm Amy വീശിയടിക്കാനുള്ള സാധ്യത മുന്നില്‍ക്കണ്ട് ഇന്നുമുതല്‍ മൂന്ന് ദിവസത്തേയ്ക്ക് അയര്‍ലണ്ടിലെ വിവിധ കൗണ്ടികളില്‍ മുന്നറിയിപ്പുകള്‍ നല്‍കി കാലാവസ്ഥാ വകുപ്പ്.
കെറിയില്‍ ഇന്ന് (ഒക്ടോബര്‍ 2, വ്യാഴം) രാവിലെ 6 മണിക്ക് നിലവില്‍ വന്ന ഓറഞ്ച് റെയിന്‍ വാണിങ്, രാത്രി 8 വരെ തുടരും. ഇവിടെ വെള്ളപ്പൊക്ക സാധ്യതയുമുണ്ട്.
Cavan, Donegal, Munster, Connacht, Longford എന്നിവിടങ്ങളില്‍ ഇന്ന് രാവിലെ 6 മണിക്ക് നിലവില്‍ വന്ന യെല്ലോ റെയിന്‍ വാണിങ് രാത്രി 8 വരെ തുടരും. ഇവിടെ പ്രാദേശികമായ വെള്ളപ്പൊക്കവും ഉണ്ടായേക്കും.
നോര്‍ത്തേണ്‍ അയര്‍ലണ്ടിലെ Antrim, Armagh, Down, Fermanagh, Tyrone, Derry എന്നീ കൗണ്ടികളില്‍ ഇന്ന് പകല്‍ 10.02-ന് നിലവില്‍ വന്ന യെല്ലോ റെയിന്‍ വാണിങ്, രാത്രി 10 മണി വരെ തുടരും. ഇവിടങ്ങളില്‍ ശക്തമായ മഴയാണ് പ്രതീക്ഷിക്കുന്നത്.
ഒക്ടോബര്‍ 3 വെള്ളി
കൊടുങ്കാറ്റ് ശക്തി പ്രാപിക്കുന്നതോടെ നാളെ (ഒക്ടോബര്‍ 3) Donegal, Galway, Leitrim, Mayo, Sligo എന്നീ കൗണ്ടികളില്‍ ഓറഞ്ച് വിന്‍ഡ് വാണിങ് നല്‍കിയിട്ടുണ്ട്. പകല്‍ 2 മണിക്ക് നിലവില്‍ വരുന്ന മുന്നറിയിപ്പ് രാത്രി 10 വരെ തുടരും. ശക്തമായ കാറ്റില്‍ മരങ്ങള്‍ കടപുഴകി വീഴുക, വൈദ്യുതി മുടങ്ങുക, തിരമാലകള്‍ അപകടരമായ വിധത്തില്‍ ഉയരുക എന്നിവ ഉണ്ടാകും. പുറത്തിറങ്ങുന്നവര്‍ അതീവജാഗ്രത പാലിക്കുക.
ഇതേദിവസം തന്നെ Galway, Kerry എന്നീ കൗണ്ടികളില്‍ രാവിലെ 9 മണി മുതല്‍ വൈകിട്ട് 3 മണി വരെ യെല്ലോ റെയിന്‍ വാണിങ്ങും നിലവില്‍ വരും. അയര്‍ലണ്ടിലാകമാനം പകല്‍ 12 മണി മുതല്‍ രാത്രി 12 വരെ യെല്ലോ വിന്‍ഡ് വാണിങ്ങും നല്‍കിയിട്ടുണ്ട്.
നോര്‍ത്തേണ്‍ അയര്‍ലണ്ടിലെ Antrim, Armagh, Down, Fermanagh, Tyrone, Derry എന്നിവിടങ്ങളില്‍ നാളെ പകല്‍ 2 മണി മുതല്‍ ശനിയാഴ്ച പകല്‍ 12 മണി വരെ യെല്ലോ വിന്‍ഡ് വാണിങ് നിലവില്‍ വരുമെന്ന് യുകെ കാലാവസ്ഥാ വകുപ്പും അറിയിച്ചു.
ഒക്ടോബര്‍ 4 ശനി
Storm Amy തുടരുന്ന ശനിയാഴ്ച അര്‍ദ്ധരാത്രി 12 മണി മുതല്‍, പകല്‍ 12 മണി വരെ Clare, Kerry, Galway, Mayo എന്നീ കൗണ്ടികളില്‍ യെല്ലോ വിന്‍ഡ് വാണിങ് ഉണ്ടാകും. കാറ്റില്‍ വസ്തുക്കള്‍ പറന്നുവന്ന് അപകടമുണ്ടാകാനുള്ള സാധ്യതയുമുണ്ട്.
Donegal, Leitrim, Sligo എന്നീ കൗണ്ടികളില്‍ ശനിയാഴ്ച ര്‍ദ്ധരാത്രി 12 മണി മുതല്‍, പകല്‍ 12 മണി വരെ യെല്ലോ വിന്‍ഡ് വാണിങ്ങിനൊപ്പം, റെയിന്‍ വാണിങ്ങും ഉണ്ടാകും. ശക്തമായ കാറ്റിനൊപ്പമെത്തുന്ന മഴ, പ്രാദേശികമായ വെള്ളപ്പൊക്കത്തിന് കാരണമായേക്കാം. മരങ്ങള്‍ കടപുഴകി വീഴാനും, സാധനങ്ങള്‍ പറന്നുപോകാനും സാധ്യതയുണ്ട്.
ഇതിന് പുറമെ Dublin, Louth, Wicklow എന്നീ കൗണ്ടികളില്‍ രാവിലെ 6 മണി മുതല്‍ പകല്‍ 12 മണി വരെ യെല്ലോ വിന്‍ഡ് വാണിങ്ങും നല്‍കിയിട്ടുണ്ട്. ഇവിടങ്ങളിലും മരങ്ങള്‍ കടപുഴകി വീഴാനും, സാധനങ്ങള്‍ പറന്നുപോകാനും സാധ്യതയുണ്ട്.
ഇതേദിവസം നോര്‍ത്തേണ്‍ അയര്‍ലണ്ടിലെ Antrim, Armagh, Down, Fermanagh, Tyrone, Derry കൗണ്ടികളില്‍ മുന്‍ദിവസം നിലവില്‍ വന്ന യെല്ലോ വിന്‍ഡ് വാണിങ് പകല്‍ 12 മണി വരെ തുടരും.
