മഴയും ശക്തമായ തണുപ്പും തുടരുന്ന അയര്ലണ്ടിലെ അഞ്ച് കൗണ്ടികളില് കാലാവസ്ഥാ മുന്നറിയിപ്പ് പുറപ്പെടുവിച്ച് അയര്ലണ്ട്. Cavan, Donegal, Monaghan, Connacht, Longford എന്നീ കൗണ്ടികളിലാണ് കാലാവസ്ഥാ വകുപ്പ് യെല്ലോ റെയിന്/ഐസ് വാണിങ്ങുകള് പുറപ്പെടുവിച്ചിരിക്കുന്നത്. ഇന്ന് (ശനി) പകല് 3.57-ന് നിലവില് വന്ന വാണിങ് അര്ദ്ധരാത്രി 12 മണി വരെ തുടരും.
ഈ കൗണ്ടികളിലെ ശക്തമായ മഴ പിന്നീട് തണുത്ത കാലാവസ്ഥ കാരണം ഐസ് രൂപപ്പെടാന് ഇടയാക്കും. ശക്തമായ മഞ്ഞിനും സാധ്യതയുണ്ട്. വീശിയടിക്കുന്ന കാറ്റ് കൂടിയെത്തുന്നതോടെ ഇവിടങ്ങളില് യാത്ര ദുഷ്കരമാകുകയും, റോഡിലെ കാഴ്ച കുറയുകയും ചെയ്യും.
തണുപ്പ് തുടരുന്ന സാഹചര്യത്തില് ഇന്ന് രാത്രി അന്തരീക്ഷ താപനില പൂജ്യം ഡിഗ്രി വരെ താഴ്ന്നേക്കുകയും ചെയ്യും.
നോര്ത്തേണ് അയര്ലണ്ട്
നോര്ത്തേണ് അയര്ലണ്ടിലെ Fermanagh, Tyrone, Derry എന്നീ കൗണ്ടികളിലും ഇന്ന് (ശനി) വൈകിട്ട് 5 മണിക്ക് നിലവില് വന്ന യെല്ലോ സ്നോ/ഐസ് വാണിങ് രാത്രി 8 മണി വരെ തുടരുമെന്ന് യുകെ കാലാവസ്ഥാ വകുപ്പ് അറിയിച്ചു.
