അപ്രതീക്ഷിതമായി ഉണ്ടായ യുദ്ധം മൂലം യാത്രയ്ക്കിടയിൽ ഗൾഫിൽ കുടുങ്ങിയവരിൽ നിരവധി അയർലൻഡ് മലയാളികളുമുണ്ട്. കുടുംബസമേതം കേരളത്തിലേക്ക് പോയവരും കേരളത്തിൽ നിന്നും മടങ്ങി അയർലണ്ടിലേക്ക് വരുന്നവരും കുടുങ്ങിയിട്ടുണ്ട്. മക്കളുടെ അടുത്തേക്ക് യാത്ര തിരിച്ച നിരവധി മാതാപിതാക്കളും ഗൾഫിൽ കുടുങ്ങി പെട്ടിട്ടുണ്ട്. ദുബായ് എയർപോർട്ടിൽ കുടുങ്ങിയവർക്ക് എയർപോർട്ട് അധികൃതർ താമസവും ഭക്ഷണവും ഒരുക്കിയിട്ടുണ്ട്. അതിനിടെ എയർ സ്പേസ് അടച്ചതിന്റെ അഞ്ചാം ദിവസമായ ഇന്ന് ആദ്യ ഫ്ലൈറ്റ് ഡബ്ലിനിലേക്ക് ദുബായിൽ നിന്ന് ദുബായ് സമയം വൈകിട്ട് അഞ്ചരയ്ക്ക് പുറപ്പെടും.
അടുത്ത ദിവസങ്ങളിൽ കൂടുതൽ ഫ്ലൈറ്റുകൾ ദുബായിൽ നിന്നും ഉണ്ടാകുമെന്ന് അധികൃതർ അറിയിച്ചു. യാത്രയ്ക്കിടയിൽ കുടുങ്ങി പോയവർക്ക് ആണ് പ്രയോറിറ്റി എന്നും എയർലൈൻസ് അധികൃതർ അറിയിച്ചു. ഇന്ന് പുറപ്പെടുന്ന വിമാനത്തിൽ നിരവധി മലയാളികൾ ഉണ്ട്.
