ഡബ്ലിനിൽ ഗാർഡ പിടിച്ച സുഹൃത്തിനെ സഹായിക്കാൻ എത്തിയയാളും പൊലീസ് പിടിയിൽ

ഗാർഡയുടെ പിടിയിലായ സുഹൃത്തിനെ സഹായിക്കാനെത്തിയ യുവാവും ഒടുവിൽ ഗാർഡയുടെ കസ്റ്റഡിയിലായി. ഡബ്ലിനിലെ M50 മോട്ടോർവേയിൽ നടന്ന സംഭവത്തിൽ രണ്ട് വാഹനങ്ങളും ഗാർഡ പിടിച്ചെടുത്തതായാണ് റിപ്പോർട്ട്.

ഇൻഷുറൻസ് ഇല്ലാത്തതും 274 ദിവസമായി മോട്ടോർ ടാക്സ് അടയ്ക്കാത്തതുമായ ബിഎംഡബ്ല്യു കാർ ഗാർഡ തടഞ്ഞതോടെയാണ് സംഭവങ്ങളുടെ തുടക്കം. M50 മോട്ടോർ വെയിലെ പരിശോധനയ്ക്കിടെ കാർ പിടിച്ചെടുത്തതിനെത്തുടർന്ന് ഡ്രൈവർ സഹായത്തിനായി സുഹൃത്തിനെ വിളിക്കുകയായിരുന്നു.തുടർന്ന് ഓഡി കാറിൽ സ്ഥലത്തെത്തിയ സുഹൃത്തിനെ ഗാർഡ പരിശോധിച്ചു. ഇയാൾക്ക് കോടതി ഏർപ്പെടുത്തിയ ഡ്രൈവിങ് വിലക്ക് നിലവിലുണ്ടെന്നും അറസ്റ്റ് വാറന്റ് ഉണ്ടായിരുന്നുവെന്നും പരിശോധനയിൽ കണ്ടെത്തിയതായാണ് റിപ്പോർട്ട്. ഇതോടെ ഇയാളെയും ഗാർഡ അറസ്റ്റ് ചെയ്തു.സുഹൃത്തിനെ സഹായിക്കാനായി എത്തിയയാൾക്ക് സ്വന്തം നിയമപ്രശ്നങ്ങൾ കാരണം പൊലീസിന്റെ പിടിയിലാകേണ്ടിവന്നത് സംഭവത്തെ ശ്രദ്ധേയമാക്കി. രണ്ട് വാഹനങ്ങളും അധികൃതർ പിടിച്ചെടുത്തതായാണ് റിപ്പോർട്ടുകൾ വ്യക്തമാക്കുന്നത്.

അയർലൻഡിൽ ഇൻഷുറൻസില്ലാതെ വാഹനമോടിക്കുന്നതും മോട്ടോർ ടാക്സ് അടയ്ക്കാതെ വാഹനം ഉപയോഗിക്കുന്നതും നിയമലംഘനങ്ങളാണ്. കോടതി ഏർപ്പെടുത്തിയ ഡ്രൈവിങ് വിലക്ക് നിലനിൽക്കെ വാഹനമോടിക്കുന്നതും ഗുരുതരമായ നിയമപ്രശ്നങ്ങൾക്ക് ഇടയാക്കും.

For more news please join our whatsapp group

https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4