Garda

ഡബ്ലിന്‍ എയര്‍പോര്‍ട്ടില്‍ പണവുമായി ദമ്പതികള്‍ പിടിയില്‍. വ്യാഴാഴ്ചയാണ് ഉക്രെയിന്‍ സ്വദേശിനിയും ബിസിനസുകാരിയുമായ Iryna Bandarieva (69), ഭര്‍ത്താവ് Ihor Shandar (60) എന്നിവര്‍ 340,000 യൂറോയുമായി എയര്‍പോര്‍ട്ടിലെ ടെര്‍മിനല്‍ 1-ല്‍ പിടിയിലായത്. ഈ പണം അന്താരാഷ്ട്ര കുറ്റവാളി സംഘത്തിന് കൈമാറാന്‍ കൊണ്ടുപോകുകയായിരുന്നു എന്നാണ് ഗാര്‍ഡ സംശയിക്കുന്നത്. പണവുമായി പിടികൂടുന്നതിന് ഒരു ദിവസം മുമ്പാണ് ഇവര്‍ അയര്‍ലണ്ടിലെത്തിയത്. ട്രാവൽ ഏജന്റാണ് പിടിയിലായ Iryna Bandarieva. അറസ്റ്റിലായ ഇവരെ ശനിയാഴ്ച ഡബ്ലിന്‍ ജില്ലാ കോടതിയില്‍ ഹാജരാക്കി. ജാമ്യത്തിന് അപേക്ഷിച്ചിരുന്നെങ്കിലും ജഡ്ജ് … Read more

Co Westmeath-ല്‍ ഗാര്‍ഡയെ ഇടിച്ചിട്ട വാഹനം നിര്‍ത്താതെ പോയി. സംഭവത്തില്‍ പരിക്കേറ്റ ഗാര്‍ഡ ഉദ്യോഗസ്ഥനെ പരിക്കുകളോടെ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാവിലെ 10 മണിയോടെ Kinnegad-ല്‍ വച്ചാണ് സംഭവം. പട്രോളിങ്ങിനിടെ സംശയം തോന്നി ഒരു കാറിനെ സമീപിച്ച ഗാര്‍ഡ ഉദ്യോഗസ്ഥനെ ഇടിച്ചിട്ട ശേഷം കാര്‍ വേഗത്തില്‍ ഓടിച്ച് പോകുകയായിരുന്നു. പരിക്കേറ്റ ഗാര്‍ഡയെ Midlands Regional Hospital Mullingar-ല്‍ എത്തിച്ച് ചികിത്സ നല്‍കിയ ശേഷം ഡിസ്ചാര്‍ജ്ജ് ചെയ്തു.

വെക്‌സ്‌ഫോര്‍ഡ് ടൗണിലെ വീട്ടില്‍ സംശയകരമായ ഉപകരണം കണ്ടെത്തിയതിനെത്തുടര്‍ന്ന് ഒരാള്‍ അറസ്റ്റില്‍. വെള്ളിയാഴ്ച രാത്രി സംശയാസ്പദമായ ഉപകരണം കണ്ടെത്തിയതിനെത്തുടര്‍ന്ന് പ്രദേശത്ത് പ്രതിരോധം തീര്‍ക്കുകയും, Army Explosive Ordnance Disposal (EOD) സംഘം എത്തി പരിശോധന നടത്തുകയും ചെയ്തത്. സംഘം ഉപകരണം നിര്‍വ്വീര്യമാക്കുകയും ചെയ്തു. 30-ലേറെ പ്രായമുള്ള ഒരു പുരുഷനെ സംഭവസ്ഥലത്ത് നിന്നു തന്നെ അറസ്റ്റ് ചെയ്തു. Offences Against the State Act, 1939 സെക്ഷന്‍ 30 പ്രകാരം ഇയാള്‍ക്കെതിരെ കേസെടുത്തിട്ടുണ്ട്. അന്വേഷണം തുടരുകയാണെന്ന് ഗാര്‍ഡ അറിയിച്ചു.

ഡബ്ലിനിലെ Coolock-ല്‍ നടന്ന ആക്രമണത്തെത്തുടര്‍ന്ന് കൗമാരക്കാരന്‍ ഗുരുതരാവസ്ഥയില്‍. വ്യാഴാഴ്ച ഉച്ചയ്ക്ക് ശേഷം 3.30-ഓടെ Greencastle Park-ല്‍ വച്ചാണ് സംഭവം. പരിക്കേറ്റ കൗമാരക്കാരനെ ഡബ്ലിന്‍ ബ്യൂമോണ്ട് ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തിന് ദൃക്‌സാക്ഷികളായവരോ, എന്തെങ്കിലും സൂചനകളുള്ളവരോ തങ്ങളുമായി ബന്ധപ്പെടണമെന്ന് ഗാര്‍ഡ അഭ്യര്‍ത്ഥിച്ചിട്ടുണ്ട്.

കൗണ്ടി ഡബ്ലിനിലെ Ballybrack-ല്‍ കത്തിയുമായെത്തി കൊള്ള നടത്തിയ ആള്‍ പിടിയില്‍. ചൊവ്വാഴ്ച വൈകിട്ട് 5.25-ഓടെയാണ് Church Road-ലെ ഒരു വ്യാപാരസ്ഥാപനത്തില്‍ കത്തിയുമായെത്തിയ 40-ലേറെ പ്രായമുള്ള പുരുഷന്‍ ജീവനക്കാരെ ഭീഷണിപ്പെടുത്തി പണം തട്ടിയെടുത്തത്. തുടര്‍ന്ന് ഇയാള്‍ സ്ഥലം വിടുകയും ചെയ്തു. സംഭവത്തില്‍ അന്വേഷണം നടത്തിയ ഗാര്‍ഡ സംഭവ ദിവസം വൈകിട്ട് തന്നെ ഡബ്ലിന്‍ സിറ്റി സെന്ററില്‍ വച്ച് പ്രതിയെ പിടികൂടി. ഇയാള്‍ക്ക് മേല്‍ Criminal Justice Act, 1984 സെക്ഷന്‍ 4 ആണ് ചുമത്തിയിരിക്കുന്നത്.

ഡബ്ലിനില്‍ സ്ത്രീയെ ആക്രമിച്ചെന്ന കേസില്‍ ഗാര്‍ഡ സൂപ്രണ്ടിനെ കോടതിയില്‍ ഹാജരാക്കി. വെള്ളിയാഴ്ചയാണ് ഫീനികിസ് പാര്‍ക്കില്‍ താമസിക്കുന്ന Gavin O’Reilly എന്ന ഗാര്‍ഡ സൂപ്രണ്ടിനെ ഡബ്ലിന്‍ ജില്ലാ കോടതിയില്‍ ഹാജരാക്കിയത്. 2023 ഓഗസ്റ്റ് 26-ന് Strand Street Great-ല്‍ വച്ച് ആരോപണവിധേയനായ ഉദ്യോഗസ്ഥന്‍ സ്ത്രീയെ ആക്രമിക്കുകയും, ഭീഷണിപ്പെടുത്തുകയും, അപമാനിക്കുകയും ചെയ്‌തെന്നാണ് പരാതി. പരാതിയില്‍ ഗാര്‍ഡ ഓംബുഡ്‌സ്മാനാണ് അന്വേഷണം നടത്തിയത്. Non-Fatal Offences Against the Person Act പ്രകാരമുള്ള കുറ്റമാണ് ഉദ്യോഗസ്ഥന് മേല്‍ ചുമത്തിയിരിക്കുന്നവയിലൊന്ന്. പരമാവധി ആറ് മാസമാണ് … Read more

Co Offaly-യിലെ Tullamore-ല്‍ വീട്ടിലുണ്ടായ വെടിവെപ്പിനെത്തുടര്‍ന്ന് രണ്ട് പേര്‍ ആശുപത്രിയില്‍. വെള്ളിയാഴ്ച രാത്രിയാണ് Kilcruttin പ്രദേശത്തെ ഒരു വീട്ടില്‍ വെടിവെപ്പുണ്ടായി എന്ന വിവരത്തെത്തുടര്‍ന്ന് ഗാര്‍ഡ സായുധ സേനയോടൊപ്പം സ്ഥലത്തെത്തിയത്. തുടര്‍ന്ന് വീട്ടില്‍ നിന്നും പരിക്കേറ്റ നിലയില്‍ രണ്ട് പുരുഷന്മാരെ ഡബ്ലിനിലെ St James’s Hospital-ല്‍ പ്രവേശിപ്പിച്ചു. വീട് സീല്‍ ചെയ്ത ഗാര്‍ഡ അന്വേഷണമാരംഭിച്ചിട്ടുണ്ട്. ഇതുവരെ ആരെയും അറസ്റ്റ് ചെയ്തതായി റിപ്പോര്‍ട്ടില്ല. സംഭവത്തിന് ദൃക്‌സാക്ഷികളായവരോ, സംഭവത്തെ പറ്റി എന്തെങ്കിലും സൂചനകളുള്ളവരോ തൊട്ടടുത്ത ഗാര്‍ഡ സ്റ്റേഷനിലോ, താഴെ പറയുന്ന നമ്പറുകളിലോ … Read more