രണ്ട് ഇസ്രായേലി മന്ത്രിമാർക്ക് അയർലണ്ടിലേക്ക് പ്രവേശിക്കുന്നതിന് വിലക്ക് ഏർപ്പെടുത്തിയതായി ഐറിഷ് പ്രധാനമന്ത്രി മീഹോൾ മാർട്ടിൻ. ഇസ്രായേൽ മന്ത്രിമാരായ ഇറ്റാമർ ബെൻ-ഗ്വീർ, ബെസാലെൽ സ്മോട്രിച്ച് എന്നിവർക്കാണ് അയർലണ്ടിലേക്കുള്ള ഏതൊരു യാത്രയ്ക്കും വിലക്ക് ഏർപ്പെടുത്തിയിരിക്കുന്നത്.
പലസ്തീനികളെക്കുറിച്ച് ഈ രണ്ട് പേരും നടത്തിയ പ്രസ്താവനകൾ അടിസ്ഥാനപരമായി പലസ്തീനിൽ നിന്ന് പലസ്തീനികളെ ഇല്ലാതാക്കാനുള്ള ആഗ്രഹത്തിന് തുല്യമാണ് എന്ന് മാർട്ടിൻ പറഞ്ഞു.
ബെൻ-ഗ്വീർ ഇസ്രായേലിന്റെ ദേശീയ സുരക്ഷാ മന്ത്രിയാണ്. ധനകാര്യ മന്ത്രിയാണ് സ്മോട്രിച്ച്. രണ്ടുപേരെയും മുമ്പ് പലസ്തീൻ ജനതയ്ക്കെതിരെ അക്രമത്തിന് പ്രേരിപ്പിച്ചതിന് യുകെ ഉപരോധിച്ചിരുന്നു.
കഴിഞ്ഞ മാസം ഇസ്രായേൽ സേന ഒരു സഹായ കപ്പൽവ്യൂഹം തടഞ്ഞതിനെത്തുടർന്ന് തടങ്കലിലാക്കപ്പെട്ട സന്നദ്ധപ്രവർത്തകരോടുള്ള ബെൻ-ഗ്വീറിന്റെ പെരുമാറ്റത്തെക്കുറിച്ചും മാർട്ടിൻ വിമർശിച്ചു. പലസ്തീനിൽ സഹായം എത്തിക്കാൻ പോയ ഐറിഷ് പ്രസിഡന്റ് കാതറിൻ കോണലിയുടെ സഹോദരി ഉൾപ്പെടെയുള്ള സന്നദ്ധ സംഘത്തിലെ 14 ഐറിഷ് പൗരന്മാരെ ഇസ്രായേലിലേക്ക് കൊണ്ടുപോകുകയും, തടങ്കലിലാക്കപ്പെടുകയും, തുടർന്ന് നാടുകടത്തുകയും ചെയ്തിരുന്നു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments