കൊച്ചി: സോളാര് തട്ടിപ്പ് കേസിലെ മുഖ്യപ്രതി സരിത എസ്. നായരെ അറസ്റ്റ് ചെയ്യാന് സോളാര് കമ്മീഷന് ഉത്തരവിട്ടു. കമ്മീഷനില് തുടര്ച്ചയായി ഹാജരാകാത്തതിനെ തുടര്ന്നാണ് അറസ്റ്റ് വാറണ്ട്. ഈ മാസം 27നു സരിതയെ അറസ്റ്റ് ചെയ്തു ഹാജരാക്കാന് ഡിജിപിക്കു കമ്മീഷന് നിര്ദ്ദേശം നല്കി. കമ്മീഷന്റെ ഉത്തരവ് പാലിക്കാതെ കഴിഞ്ഞ മൂന്ന് തവണയും സരിത ഹാജരാകാതെ ഒഴിഞ്ഞുമാറുകയായിരുന്നു. ഇന്ന് ഹാജരായില്ലെങ്കില് അറസ്റ്റ് വാറണ്ട് പുറപ്പെടുവിക്കുമെന്നു കമ്മീഷന് നേരത്തെ അറിയിച്ചിരുന്നു.
ഓരോ തവണയും വ്യത്യസ്ത കാരണങ്ങളാണു ഹാജരാകുന്നതിനു തടസമായി സരിത കമ്മീഷനെ അറിയിക്കുന്നത്. അമ്മയ്ക്ക് സുഖമില്ലെന്നും താന് ചികിത്സയിലാണെന്നും സരിത പലപ്പോഴായി കമ്മീഷനെ അറിയിച്ചു. കൂടുതല് തെളിവുകള് ഹാജരാക്കാന് സമയം വേണമെന്നും സരിത ആവശ്യപ്പെട്ടെങ്കിലും കമ്മീഷന് വഴങ്ങിയില്ല.
എംആര്