1,2 പ്ലാറ്റ്ഫോമുകള്ക്ക് അരികിലായി സംശയകരമായ വസ്തു കണ്ടെത്തിയതിനെത്തുടര്ന്ന് ഡബ്ലിന് കൊണോളി സ്റ്റേഷന് താത്കാലികമായി അടച്ചു. ഡാര്ട്ട്, നോര്ത്തേണ്, മെയ്നൂത്ത് കമ്മ്യൂട്ടറുകള് പ്രവര്ത്തിക്കുന്നുണ്ടെങ്കിലും കോണോളി സ്റ്റേഷനില് നിര്ത്തുകയില്ലെന്ന് ഐറിഷ് റെയില് വ്യക്തമാക്കി. യാത്രക്കാര് താര സ്റ്റേഷന് ഉപയോഗിക്കാനുള്ള മുന്നറിയിപ്പ് ഐറിഷ് റെയില് നല്കി. 2 മണിക്കൂര് നേരത്തേക്കാണ് സ്റ്റേഷന് അടച്ചിരിക്കുന്നത്. സുരക്ഷാര്ത്ഥം യാത്രക്കാരെ സ്റ്റേഷനില് നിന്നും ഒഴിപ്പിച്ചിരിക്കുകയാണ്.ഐറിഷ് ആര്മി സംഭവ സ്ഥലത്ത് എത്തിയിട്ടുണ്ടെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു.