സൂപ്പര്‍സ്റ്റാര്‍ രജനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ‘തലൈവര്‍ 171’ല്‍ വില്ലനായി ബോളിവുഡ് താരം രണ്‍വീര്‍ സിങ് എത്തുമെന്ന് റിപ്പോര്‍ട്ട്. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ കഴിഞ്ഞ ദിവസം സോഷ്യല്‍ മീഡിയയിലൂടെ പുറത്തുവിട്ടിരുന്നു.
അതേസമയം ലോകേഷിന്റെ മുന്‍ സിനിമയായ ‘ലിയോ’ പോലെ ഈ ചിത്രവും ഒരു ഹോളിവുഡ് സിനിമയില്‍ നിന്നും പ്രചോദനമുള്‍
ക്കൊണ്ടാകുമെന്നാണ് റിപ്പോര്‍ട്ട്. ‘ഹിസ്റ്ററി ഓഫ് വയലന്‍സ്’ എന്ന ചിത്രമായിരുന്നു ലിയോയ്ക്ക് പ്രചോദനമായത്.
2013-ല്‍ പുറത്തിറങ്ങിയ ‘ദി പര്‍ജ്’ എന്ന സിനിമയില്‍ നിന്നും പ്രചോദനമുള്‍ക്കൊണ്ടാകും രജനി ചിത്രം എന്നാണ് പ്രചരിക്കുന്ന വാര്‍ത്തകള്‍. എങ്കിലും ലോകേഷ് സിനിമാറ്റിക് യൂണിവേഴ്‌സില്‍ പെടുന്ന ചിത്രമാകില്ല ഇതെന്ന് ലോകേഷ് തന്നെ നേരത്തെ വ്യക്തമാക്കിയിരുന്നു. ഈ ചിത്രത്തില്‍ ഒരു സ്വര്‍ണ്ണ കള്ളക്കടത്തുകാരനായാണ് രജനികാന്ത് എത്തുക എന്നും റിപ്പോര്‍ട്ടുകളുണ്ട്. ചിത്രത്തിന്റെ ഷൂട്ടിങ് ആരംഭിക്കാനിരിക്കുന്നതേ ഉള്ളൂ.
