അയർലണ്ടിൽ 800 പേർക്ക് ജോലി നൽകുമെന്ന പ്രഖ്യാപനവുമായി ടെക് ഭീമനായ ഐബിഎം (IBM). ലോകം ഉറ്റുനോക്കുന്ന ടെക്നോളജിയായ ആർട്ടിഫിഷ്യൽ ഇന്റലിജൻസ് (എഐ) അടിസ്ഥാനമാക്കിയുള്ള ജോലികളാണ് വരും വർഷങ്ങളിൽ നടത്തുന്ന പുതിയ നിക്ഷേപത്തിലൂടെ കമ്പനി സൃഷ്ടിക്കുക.
സോഫ്റ്റ്‌വെയർ ഡെവലപ്മെന്റ് ജോലികൾക്ക് പുറമെ റിസർച്ച് ആൻഡ് ഡെവലപ്മെന്റ്, ഡിജിറ്റൽ സെയിൽസ് ആൻഡ് കൺസൾട്ടിങ് തുടങ്ങിയ തസ്തികകളിലും വമ്പൻ തൊഴിലവസരമാണ് കാത്തിരിക്കുന്നത്. ഇതിലൂടെ അയർലണ്ട് ആഗോളതലത്തിൽ എഐയുടെ പ്രധാന ഹബ്ബായി മാറുകയും ചെയ്യും.
ഐബിമ്മിന്റെ ഡബ്ലിൻ, കോർക്ക് കേന്ദ്രങ്ങളിലും, ഐബിഎമ്മിനു കീഴിൽ പ്രവർത്തിക്കുന്ന വാട്ടർഫോർഡിലെ റെഡ്‌ Hat-ലും ആകും നിയമനങ്ങൾ.
മൂന്ന് വർഷത്തിനുള്ളിൽ പൂർത്തിയാക്കുന്ന നിക്ഷേപ പദ്ധതിയെ IDA അയർലണ്ട് വഴി ഐറിഷ് സർക്കാരും പിന്തുണയ്‌ക്കുന്നുണ്ട്‌.
65 വർഷത്തിലേറെയായി അയർലണ്ടിൽ സാന്നിധ്യമുള്ള ഐബിഎം അമേരിക്കൻ കമ്പനി ആണ്. ഐബിഎം റിസർച്ചിന്റെ യൂറോപ്യൻ യൂണിയനിലെ ഏക ഫെസിലിറ്റിയും അയർലണ്ടിലാണ്.
