FIRE

കൗണ്ടി വെക്‌സ്‌ഫോര്‍ഡില്‍ ഗോസ് ചെടികളില്‍ (gorse) വന്‍ തീപിടിത്തം. ഞായറാഴ്ച ഉച്ചയ്ക്ക് 2 മണിയോടെ Gorey-യിലെ Tara Hill പ്രദേശത്താണ് അയര്‍ലണ്ടില്‍ ധാരാളമായി കാണുന്ന ഗോസ് എന്ന പൂച്ചെടികളുടെ കൂട്ടത്തിന് തീപിടിച്ചത്. ഇന്ന് രാവിലെയും തീ പൂര്‍ണ്ണമായും അണഞ്ഞിട്ടില്ല. വെക്‌സ്‌ഫോര്‍ഡ്, വിക്ക്‌ലോ എന്നിവിടങ്ങളില്‍ നിന്നുമെത്തിയ ഏഴ് ഫയര്‍ യൂണിറ്റുകളും, ഗാര്‍ഡയും, പ്രദേശവാസികളായ കര്‍ഷകരും ചേര്‍ന്ന് തീയണയ്ക്കാന്‍ രാത്രി മുതല്‍ തുടങ്ങിയ ശ്രമം തുടരുകയാണ്. ആദ്യഘട്ടത്തില്‍ തീ നിയന്ത്രണവിധേയമായെന്ന് തോന്നിച്ചെങ്കിലും അര്‍ദ്ധരാത്രിയോടെ വീണ്ടും ആളിപ്പടരുകയായിരുന്നു. സമീപത്തെ കടല്‍ക്കാറ്റാണ് തീ … Read more

കൗണ്ടി ഡോണഗലിലെ ജനപ്രിയമായി പള്ളി തീപിടിത്തത്തില്‍ നശിച്ചു. ഇന്ന് പുലര്‍ച്ചെ 4 മണിയോടെയാണ് Derrybeg-ലെ St Mary’s Church-ന് തീപിടിച്ചത്. തീ നിയന്ത്രിക്കാനായി കഠിനശ്രമം നടത്തിയെങ്കിലും പള്ളി പൂര്‍ണ്ണമായും കത്തിനശിച്ചു. അതേസമയം സംഭവത്തില്‍ ആര്‍ക്കും പരിക്കില്ല. 1972-ല്‍ തുറന്ന പള്ളിയുടെ അഷ്ടകോണുകളോടുകൂടിയുള്ള രൂപകല്‍പ്പന കൗതുകമുണര്‍ത്തുന്നതായിരുന്നു. പള്ളി തീപിടിത്തത്തില്‍ നശിച്ചത് നാട്ടുകാര്‍ക്കും വൈദികര്‍ക്കുമെല്ലാം ഏറെ വേദനയാണ് സൃഷ്ടിച്ചിരിക്കുന്നത്. സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്.

കൗണ്ടി വിക്ക്‌ലോയിലെ അപ്പാര്‍ട്ട്‌മെന്റിലുണ്ടായ തീപിടിത്തത്തെ തുടര്‍ന്ന് ഒമ്പത് പേരെ ആശുപത്രിയില്‍ പ്രവേശിപ്പിച്ചു. Bray-യിലെ Lower Dangle Road പ്രദേശത്ത് ഇന്നലെ പുലര്‍ച്ചെ 5 മണിയോടെയാണ് സംഭവം. Bray, Dún Laoghaire, Greystones എന്നിവിടങ്ങളില്‍ നിന്നും അഗ്നിരക്ഷാ സേന എത്തിയാണ് തീയണച്ചത്. ഈ സമയം ഗാര്‍ഡ റോഡ് അടച്ചിടുകയും ചെയ്തിരുന്നു. അപ്പാര്‍ട്ട്‌മെന്റിലെ താമസക്കാരായ ഒമ്പത് പേരെ ആദ്യം പാരാമെഡിക്കല്‍ സംഘമെത്തി ചികിത്സ നല്‍കിയ ശേഷം പിന്നീട് ഹോസ്പിറ്റലിലേയ്ക്ക് പറഞ്ഞയച്ചു.

ഡബ്ലിനിലെ M1 റോഡില്‍ ഫുട്‌ബോള്‍ ഫാന്‍സ് സഞ്ചരിച്ചിരുന്ന ബസിന് ഓട്ടത്തിനിടെ തീപിടിച്ചു. ഫുട്‌ബോള്‍ ക്ലബ്ബായ Shelbourne-ന്റെ ആരാധകര്‍ സഞ്ചരിച്ചിരുന്ന ബസിനാണ് ശനിയാഴ്ച പുലര്‍ച്ചെ 1.50-ഓടെ Balbriggan-ഉം Donabate-നും ഇടയില്‍ വച്ച് തീപിടിച്ചത്. തുടര്‍ന്ന് ഗാര്‍ഡയും അഗ്നിരക്ഷാ സേനയും സ്ഥലത്തെത്തി തീയണച്ചു. യാത്രക്കാരെ ബസില്‍ നിന്നും സുരക്ഷിതമായി ഒഴിപ്പിച്ചതായും, ആര്‍ക്കും പരിക്കില്ലെന്നും അധികൃതര്‍ അറിയിച്ചു. League of Ireland-ല്‍ Derry-ക്കെതിരെ Shelbourne-ന്റെ മത്സരം കണ്ട് മടങ്ങുന്ന ആരാധകരായിരുന്നു ബസില്‍ ഉണ്ടായിരുന്നത് എന്നാണ് വിവരം. മത്സരത്തില്‍ Shelbourne വിജയിച്ചിരുന്നു. ബസ് … Read more

ഡബ്ലിനിലെ Killiney-യില്‍ വീണ്ടും ഗോസ് (gorse) ചെടികള്‍ക്ക് വന്‍ തീപിടിത്തം. Killiney Hill-ല്‍ കൂട്ടമായി വളരുന്ന ഗോസ് ചെടികള്‍ക്ക് ശനിയാഴ്ച രാത്രി 11 മണിയോടെയാണ് തീപിടിച്ചത്. ശക്തമായ തീപിടിത്തത്തില്‍ വീടുകളുടെ മേല്‍ക്കൂരകളെക്കാള്‍ ഉയരത്തില്‍ ജ്വാലകളുയര്‍ന്നു. Dublin Fire Brigade എത്തിയാണ് തീ നിയന്ത്രണവിധേയമാക്കിയത്. രണ്ട് ഫയര്‍ എഞ്ചിനുകളും, ഒരു വൈല്‍ഡ് ലൈഫ് റെസ്‌പോണ്‍സ് ജീപ്പുമാണ് സ്ഥലത്തെത്തിയത്. ശക്തമായ കാറ്റാണ് തീ പടരാന്‍ ഇടയാക്കിയതെന്ന് സംഘം അറിയിച്ചു.

കൗണ്ടി ഡബ്ലിനിലെ Killiney-യില്‍ ഗോസ് (gorse) ചെടികളുടെ കൂട്ടത്തിന് വന്‍ തീപിടിത്തം. ഇവിടുത്തെ Mullins Hill-ല്‍ കൂട്ടമായി വളരുന്ന ചെടികള്‍ക്കാണ് ഇന്നലെ രാത്രി തീപിടിച്ചത്. ഡബ്ലിന്‍ ഫയര്‍ ബ്രിഗേഡിന്റെ നിരവധി യൂണിറ്റുകളെത്തിയാണ് തീ നിയന്ത്രണവിധേയമാക്കിയത്. പ്രദേശത്ത് ശക്തമായ കാറ്റ് വീശിയത് പുക മറ്റിടങ്ങളിലേയ്ക്കും പരക്കാന്‍ കാരണമായിട്ടുണ്ട്. രാത്രിയിലുടനീളം അഗ്നിശമന സേന തീയണയ്ക്കാന്‍ ശ്രമിക്കുകയായിരുന്നു. അതേസമയം ഡബ്ലിനിലെ Crumlin Shopping Centre-ലും ഇന്നലെ രാത്രിയോടെ തീപിടിത്തം ഉണ്ടായി. തീ നിയന്ത്രണവിധേയമാക്കിയതായും, ആര്‍ക്കും പരിക്കില്ലെന്നും അധികൃതര്‍ അറിയിച്ചു. സംഭവത്തില്‍ ഗാര്‍ഡ … Read more

Waterford City-യിലെ പഴയ ഹോട്ടലില്‍ വന്‍ തീപിടിത്തം. ഇന്നലെ വൈകിട്ടായിരുന്നു തീപിടിത്തം ഉണ്ടായത്. വാട്ടര്‍ഫോര്‍ഡ് കാസിലിന്റെ ഉടമസ്ഥനും, കില്‍ക്കെന്നിയിലെ ബിസിനസുകാരനുമായ Seamus Walsh-ന്റെ ഉടമസ്ഥതയിലുള്ളതാണ് ഈ കെട്ടിടം. മുമ്പ് Ard Ri, Jury’s എന്നീ പേരുകളിലായിരുന്നു ഹോട്ടല്‍ പ്രവര്‍ത്തിച്ചിരുന്നത്. 2005-ലാണ് ഹോട്ടല്‍ അവസാനമായി പ്രവര്‍ത്തിച്ചത്. ശേഷം പൂട്ടി. ഇക്കാലയളവിനിടെ പലവട്ടം ഇവിടെ തീപിടിത്തം ഉണ്ടായിട്ടുണ്ട്.

കൗണ്ടി വെക്സ്ഫോഡിലെ വീട്ടിലുണ്ടായ തീപിടിത്തത്തിൽ മൂന്ന് പേരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. New Ross- ലെ ഒരു വീട്ടിൽ ഞായറാഴ്ച പുലർച്ചെ ആണ് തീപിടിത്തം ഉണ്ടായത്. ഇവിടുത്തെ താമസക്കാരായ 20 -ലേറെ പ്രായമുള്ള രണ്ട് പുരുഷന്മാർ, 40- ലേറെ പ്രായമുള്ള ഒരു സ്ത്രീ എന്നിവരെയാണ് പരിക്കുകളോടെ University Hospital Waterford- ൽ പ്രവേശിപ്പിച്ചിരിക്കുന്നത്. സാരമായി പരിക്കേറ്റ ഇവരുടെ ഇവരുടെ ആരോഗ്യനില തൃപ്തികരമാണ്. സംഭവത്തിൽ ഗാർഡ അന്വേഷണമരംഭിച്ചു.

കൗണ്ടി ലിമറിക്കിലെ Castletroy-യില്‍ വീട്ടിലുണ്ടായ തീപിടിത്തത്തില്‍ ഒരാള്‍ മരിച്ചു. Kilmurry Village-യിലെ University of Limerick-ന്റെ ഓണ്‍ ക്യാംപസ് സ്റ്റുഡന്റ് അക്കോമഡേഷന്‍ സൈറ്റുകളിലൊന്നിലെ വീട്ടിലാണ് വ്യാഴാഴ്ച അര്‍ദ്ധരാത്രിയോടെ തീപിടിത്തമുണ്ടായത്. 80-ലേറെ പ്രായമുള്ളയാളാണ് സംഭവത്തില്‍ മരിച്ചത്. ഇദ്ദേഹം ഇവിടെ അദ്ധ്യാപകനായി ജോലി ചെയ്തുവരികയായിരുന്നു. അഞ്ച് മണിക്കൂറോളം നീണ്ട ശ്രമത്തിലാണ് അഗ്നിരക്ഷാസേന തീയണച്ചത്. സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്. മരിച്ചയാളുടെ പോസ്റ്റ്‌മോര്‍ട്ടം ഇന്ന് നടക്കും.

ഡബ്ലിനിലെ പ്രശസ്തമായ Shelbourne Hotel-ല്‍ തീപിടിത്തം. ബുധനാഴ്ച രാവിലെ 10.30-ഓടെ നടന്ന തീപിടിത്തത്തില്‍ ആര്‍ക്കും പരിക്കില്ല. അഗ്നിരക്ഷാസേനയുടെ ആറ് യൂണിറ്റുകള്‍ ശ്രമിച്ചാണ് ഹോട്ടലിലെ തീയണച്ചത്. അതേസമയം തീപടര്‍ന്നതിന് പിന്നാലെ ഹോട്ടല്‍ജീവനക്കാര്‍ തന്നെ നടത്തിയ രക്ഷാപ്രവര്‍ത്തനം വലിയ ഗുണം ചെയ്‌തെന്ന് അഗ്നിരക്ഷാസേന പറഞ്ഞു. പ്രദേശത്ത് ഗതാഗതനിയന്ത്രണവുമായി ഗാര്‍ഡയും സ്ഥിതി ചെയ്തിരുന്നു. തീ അണച്ച് സ്ഥിതി നിയന്ത്രണവിധേയമാക്കിയ ശേഷം അന്തേവാസികളെ തിരികെ ഹോട്ടലില്‍ പ്രവേശിക്കാന്‍ അനുവദിച്ചു. Leinster House-ന് സമീപം St Stephen’s Green-ലാണ് ഹോട്ടല്‍ സ്ഥിതി ചെയ്യുന്നത്.