Wednesday, January 22, 2020

അയോദ്ധ്യ കേസ്: വിധി നാളെ 10.30 ഓടെ; യു.പി യില്‍ സുരക്ഷ ശക്തമാക്കി

Updated on 08-11-2019 at 4:40 pm

Share this news

ന്യൂഡല്‍ഹി: രാജ്യം ഉറ്റുനോക്കുന്ന അയോദ്ധ്യ കേസില്‍ നാളെ വിധിപ്രഖ്യാപിക്കും. ചീഫ് ജസ്റ്റിസ് രഞ്ജന്‍ ഗോഗോയ് അധ്യക്ഷനായ ബെഞ്ചാണ് വിധി പ്രഖ്യാപിക്കുന്നത്. അല്പനേരത്തിനു മുന്‍പാണ് വിധി പ്രഖ്യാപനം നാളെയാണെന്ന് സുപ്രീം കോടതി അറിയിച്ചത്. അയോധ്യയില്‍ തര്‍ക്കഭൂമി മൂന്നായി വിഭജിക്കാനുള്ള അലഹബാദ് ഹൈക്കോടതി വിധിക്കെതിരെ എത്തിയ14 ഹര്‍ജികളിലാണ് ഭരണഘടന ബഞ്ച് വാദം കേട്ടത്.

വാദം കേള്‍ക്കലിന്റെ അവസാന ദിവസം നാടകീയമായ രംഗങ്ങളാണ് കോടതിയില്‍ അരങ്ങേറിയത്. ഹിന്ദു മഹാ സഭയുടെ അഭിഭാഷകന്‍ വികാസ് സിങ് സമര്‍പ്പിച്ച രേഖകള്‍ സുന്നി വഖഫ് ബോര്‍ഡ് അഭിഭാഷകന്‍ രാജീവ് ധവാന്‍ കോടതിയില്‍ കീറിയെറിഞ്ഞത് കോടതിയ്ക്കകത്ത് സംഘര്‍ഷാവസ്ഥ സൃഷ്ടിച്ചു. ഇരു വിഭാഗത്തിന്റെയും അഭിഭാഷകര്‍ തമ്മില്‍ ഉണ്ടായ തര്‍ക്കത്തില്‍ ചീഫ് ജസ്റ്റിസിന് ശക്തമായ താകീത് നല്‍കേണ്ട സാഹചര്യവും ഉണ്ടായി.

അയോധ്യ വിധി വരുന്ന പശ്ചാതലത്തില്‍ നാളെ യു പി യില്‍ സുരക്ഷ ശക്തമാക്കി. സമൂഹ മാധ്യമങ്ങളും നിരീക്ഷണത്തിലാണ്. അയോധ്യയില്‍ സേനകളെയും വിന്യസിച്ചു. സോഷ്യല്‍ മീഡിയയിലൂടെ വര്‍ഗീയ പ്രചാരണങ്ങള്‍ നടത്തുന്നവരെ നിരീക്ഷിക്കാന്‍ പ്രത്യേക വളണ്ടിയര്‍ ഗ്രൂപ്പിനെയും നിയോഗിച്ചു.

comments


 

Other news in this section